សម្តេច ហ៊ុន សែន៖ កម្ពុជាជារាជាណាចក្រនៃវប្បធម៌

ជាតិ

សម្តេច ហ៊ុន សែន៖ កម្ពុជាជារាជាណាចក្រនៃវប្បធម៌

03, Mar 2016 , 10:13 am

រូបភាព

ដោយ: រួបរួម

សម្តេចនាយកនាយករដ្ឋមន្ត្រី ហ៊ុន សែន បានលើកឡើងពីសមទ្ធិផលដ៏វិជ្ជមានរបស់រដ្ឋាភិបាលក្នុងការលើកស្ទួយវប្បធម៌។ សម្តេចបានថ្លែងបែបនេះ នាឱកាសអបអរសាទរ «ទិវាវប្បធម៌ជាតិ៣មីនា» លើកទី១៨ ក្រោមប្រធានបទ «យុវជនដើម្បីវប្បធម៌ជាតិ» នៅសាលសន្និសីទចតុមុខ។

ទិវាវប្បធម៌ជាតិ ត្រូវបានប្រារព្ធឡើងជារៀងរាល់ឆ្នាំក្នុងបំណងបំផុសស្មារតីដល់កុលបុត្រ កុលធីតាខ្មែរ ឲ្យចេះស្រឡាញ់ ថែរក្សា និងអភិរក្សវប្បធម៌ជាតិ។ សម្តេចបានគូសបញ្ជាក់ថា វប្បធម៌ ទេសចរណ៍ និងសេដ្ឋកិច្ច មានទំនាក់ទំនងគ្នាយ៉ាងខ្លាំង។

ជាមួយគ្នានេះ សម្តេចបានលើកឡើងថា កម្ពុជាជារាជាណាចក្រនៃវប្បធម៌ និងជាទឹកដីដែលសម្បូរទៅដោយសម្បត្តិបេតិកភណ្ឌវប្បធម៌រូបី និងអរូបី ហើយក៏ជាប្រទេសដ៏លេចធ្លោរក្នុងបញ្ជីបេតិកភណ្ឌពិភពលោកផងដែរ ដូចជាវត្តមានរបស់ប្រាសាទអង្គរវត្ត ប្រាសាទព្រះវិហារ របាំព្្រះរាជទ្រព្យ ល្ខោនស្បែក រួមទាំងទាញព្រ័ត្រ ក្នុងបញ្ជីបេតិកភណ្ឌយូណេស្កូុ។

សម្តេចបានបន្ថែមថា រដ្ឋាភិបាលកំពុងរៀបចំឯកសារបញ្ចូលសម្បត្តិបេតិកភណ្ឌជាច្រើនក្នុងបញ្ជីបេតិកភណ្ឌពិភពលោកក្នុងនោះមានដូចជា ប្រាសាទសំបូរព្រៃគុក និងចាប៉ីដងវែងជាដើម៕