ពីនេះ ពីនោះ
× និពន្ធដោយប៉ាកកាខ្មៅ
កំណាព្យបទពាក្យ៨
-អាយ៉ៃចាប៉ីស្រដីលែងចេញ បាសាក់មាត់ស្ញេញលែងហ៊ានចេញស្តី
ងាកមកយីកេក៏អាយុខ្លី ល្ខោនខោលពោលក្តីអស់អីអួតអាង។
-កំណាព្យនិងស្មូត្ររត់ទៅនៅវត្ត ខ្លះគេចាំស្ទាត់ខ្លះភ្លាត់បាត់តាង
ល្ខោនស្បែកធំតូចក៏មិនសំណាង អាប៉េអស់អាងបាត់ទាំងអាយ៉ង។
-ខ្លះឮតែឈ្មោះរងគ្រោះបាត់រូប បីដូចផ្សែងធូបត្រូវខ្យល់គួចចង
នាំយកទៅបាត់ពីភ្នែកប្អូនបង សុំជួយថែផងដំណែលតាសាង។
-ពិតគួរឲ្យស្តាយអស់កេរដូនតា ដែលខំរក្សាតែគ្មានសំណាង
បង្ហាញខ្លួនទៀតអួតញាតិជិតខាង ជិតបាត់ភស្តុតាងក្លាយជានិទាន។
© រក្សាសិទ្ធិដោយ thmeythmey.com