ពីនេះ ពីនោះ
×![]()
ដោយ: ថ្មីៗ
ភិនភាគ៖ ស្វាអង្គត់មានរូបរាងដូចស្វាត្រោសបេះបិទ តែវាមានមាឌធំជាងស្វាត្រោសបន្តិច។ វាមានទម្ងន់ជាមធ្យមពី ៨ ទៅ១២គីឡូក្រាម។ ផ្នែកលើនៃដងខ្លួនវាមានពណ៌ប្រែប្រួលពីខ្មៅស្រាលទៅត្នោតស្រាលបន្ទាប់មកទៅជាក្រហមព្រឿងៗ ការផ្លាស់ប្តូរពណ៌អាស្រ័យទៅតាមអាយុកាល និងទីកន្លែងដែលវារស់នៅ។ ស្វាឈ្មោលពេញវ័យមានរោមដុះពីក្រោមចង្កាច្រើន ជាងពុកចង្កា ស្បែកមុខមានពណ៌ក្រហមត្នោត ហើយមានពណ៌ក្រហមខ្លាំងនៅពេលអាកាសធាតុក្តៅ និងនៅរដូវបន្តពូជ។ នៅពេលចាស់ផ្នែកខាងខ្នងរហូតដល់ស្មាមានរោមវែង ហើយក្រាស់ផ្ទៃមុខមានរោមស្តើង ថ្ងាសទំពែកលយទៅមុខរាងចោត។ ផ្នែកត្រគាកកន្ទុយ មានរោមខ្លី ហើយស្តើង និងមានប្រវែងតិចជាង១០% នៃប្រវែងពីក្បាលដល់ដងខ្លួន។ កូនរបស់វា ទើបកើតមកមានពណ៌សព្រលែត។
ជីវសាស្ត្រ៖ ជាប្រភេទសត្វរស់នៅតំបន់មានរយៈកម្ពស់ខ្ពស់ ព្រៃស្រោង និងពាក់កណ្តាលស្រោងក្នុងព្រៃធម្មជាតិ និងព្រៃដុះឡើងវិញដែលមានរយៈកំពស់រហូតដល់ ២០០០ម៉ែត្រ ហើយវាចំណាយពេលជាច្រើននៅលើដីដើម្បីរកចំណី។ ពួកវាស៊ីគ្រាប់រុក្ខជាតិ ផ្លែឈើ មើមឈើ សត្វល្អិត និងប្រភេទសត្វតូចៗ ជាអាហារ។ ពួកវារស់នៅជាក្រុមរហូតដល់ ៥០ក្បាល។
រប៉ាយរស់នៅ៖ ស្វាអង្គត់មានវត្តមានតិចនៅខាងលិចទន្លេមេគង្គ និងមានជាមធ្យមខាងកើត ទន្លេមេគង្គនៃប្រទេសកម្ពុជា។ វាក៏មានផងដែរនៅភាគឦសាននៃប្រទេសឥណ្ឌាភាគខាងត្បូង នៃប្រទេសចិន ភាគខាងជើងនៃប្រទេសម៉ាឡេស៊ី ប្រទេសថៃ និងឥណ្ឌូចិន។
ស្ថានភាពអភិរក្ស៖ ស្វាអង្គត់ស្ថិតក្នុងក្រុមប្រភេទមានដោយកម្រ។ ប្រភេទនេះត្រូវបានចុះក្នុងបញ្ជីក្រហម IUCN (VU) ជាប្រភេទងាយរងគ្រោះលើពិភពលោក។ ស្វាអង្គត់កំពុងរងគ្រោះថ្នាក់ដោយសារ ការបរបាញ់ ការទាក់ចាប់ ការបាត់បង់ទីជម្រក និងការធ្វើពាណិជ្ជកម្ម៕
ជីវសាស្ត្រ៖ ជាប្រភេទសត្វរស់នៅតំបន់មានរយៈកម្ពស់ខ្ពស់ ព្រៃស្រោង និងពាក់កណ្តាលស្រោងក្នុងព្រៃធម្មជាតិ និងព្រៃដុះឡើងវិញដែលមានរយៈកំពស់រហូតដល់ ២០០០ម៉ែត្រ ហើយវាចំណាយពេលជាច្រើននៅលើដីដើម្បីរកចំណី។ ពួកវាស៊ីគ្រាប់រុក្ខជាតិ ផ្លែឈើ មើមឈើ សត្វល្អិត និងប្រភេទសត្វតូចៗ ជាអាហារ។ ពួកវារស់នៅជាក្រុមរហូតដល់ ៥០ក្បាល។
រប៉ាយរស់នៅ៖ ស្វាអង្គត់មានវត្តមានតិចនៅខាងលិចទន្លេមេគង្គ និងមានជាមធ្យមខាងកើត ទន្លេមេគង្គនៃប្រទេសកម្ពុជា។ វាក៏មានផងដែរនៅភាគឦសាននៃប្រទេសឥណ្ឌាភាគខាងត្បូង នៃប្រទេសចិន ភាគខាងជើងនៃប្រទេសម៉ាឡេស៊ី ប្រទេសថៃ និងឥណ្ឌូចិន។
ស្ថានភាពអភិរក្ស៖ ស្វាអង្គត់ស្ថិតក្នុងក្រុមប្រភេទមានដោយកម្រ។ ប្រភេទនេះត្រូវបានចុះក្នុងបញ្ជីក្រហម IUCN (VU) ជាប្រភេទងាយរងគ្រោះលើពិភពលោក។ ស្វាអង្គត់កំពុងរងគ្រោះថ្នាក់ដោយសារ ការបរបាញ់ ការទាក់ចាប់ ការបាត់បង់ទីជម្រក និងការធ្វើពាណិជ្ជកម្ម៕
© រក្សាសិទ្ធិដោយ thmeythmey.com
