កីឡាជាតិ
ជាតិ
ក្រុមមិនទាន់ស្គាល់ឈ្នះ អាស៊ីអឺរ៉ុប និង ថាយហ្គឺរ ប៉ះគ្នា មុនជំនួបណាហ្គា និងភ្នំពេញក្រោន
× ការប្រកួតក្របខ័ណ្ឌមិត្តហ្វូនខេមបូឌានលីករដូវកាល ២០១៦ នាពហុកីឡដ្ឋានជាតិថ្ងៃទី៥ ខែមីនា នេះ ក្រុមអាស៊ីអឺរ៉ុបយូណាយធីត ប៉ះ ខេមបូឌានថាយហ្គឺរ មុន ក្រុមណាហ្គាវើល ជួបប្រកួតជាមួយក្រុមភ្នំពេញក្រោន។
ក្រុមអាស៊ីអឺរ៉ុបយូណាយធីត ក្រោយពីមានកេរិ៍ឈ្មោះមិនសូវល្អសម្រាប់រដូវកាល២០១៦ បន្ទាប់ពីចាញ់ក្រុមភ្នំពេញក្រោន ៣-២ កាលពីសប្តាហ៍ទី១ និងចាញ់ក្រុមស៊ីម៉ាក់ ៥-១ កាលពីសប្តាហ៍ទី២ ត្រូវជួបប្រកួតជាមួយក្រុមខេមបូឌានថាយហ្គឺរ ដើម្បីកែប្រែកេរិ៍ឈ្មោះរបស់ខ្លួន នាវេលាម៉ោង៣:៣០នាទី ថ្ងៃទី៥ ខែមីនានេះ នៅពហុកីឡដ្ឋានជាតិ។ ខណៈក្រុមណាហ្គាវើលក្រោយពីចាញ់ក្រុមក្រសួងការពារជាតិ ១-០ កាលពីសប្តាហ៍មុន ប៉ះជាមួយ ភ្នំពេញក្រោន ដើម្បីស្តារមុខមាត់ថ្មីរបស់ខ្លួន នាវេលាម៉ោង ៦ល្ងាចនេះ។
កម្មវិធីប្រកួតលីកកំពូលកម្ពុជារដូវកាល២០១៦ ថ្ងៃសៅរ៍ នេះ
- នាវេលាម៉ោង ៣:៣០នាទី អាស៊ីអឺរ៉ុប ជួប ខេមបូឌានថាយហ្គឺរ នៅពហុកីឡដ្ឋានជាតិ
- នាវេលាម៉ោង ៦:០០នាទី ណាហ្គាវើល ជួប ភ្នំពេញក្រោន នៅពហុកីឡដ្ឋានជាតិ៕
Tag:
Cambodian League 2016
© រក្សាសិទ្ធិដោយ thmeythmey.com