ខេមបូឌានថាយហ្គឺរបាន៣ពិន្ទុ ដោយទុកឲ្យអាស៊ីអឺរ៉ុបចាញ់បីប្រកួតជាប់គ្នា

កីឡាជាតិ

ជាតិ

ខេមបូឌានថាយហ្គឺរបាន៣ពិន្ទុ ដោយទុកឲ្យអាស៊ីអឺរ៉ុបចាញ់បីប្រកួតជាប់គ្នា

05, Mar 2016 , 5:31 pm

រូបភាព

ដោយ: រួបរួម

ខេមបូឌានថាយហ្គឺរ ទទួលបានជ័យជម្នះ ៣-១ លើអាស៊ីអឺរ៉ុប នាការប្រកួតសប្តាហ៍ទីបីក្របខណ្ឌមិត្តហ្វូនខេមបូឌានលីកឆ្នាំ២០១៦ ។ នេះជាការទទួលបាន៣ពិន្ទុលើកដំបូងរបស់ក្រុមដែលស្ថិតក្រោមការគ្រប់គ្រងរបស់ជនជាតិជប៉ុន ក្រោយរងគ្រោះយ៉ាងដំណំនាការប្រកួតពីរលើកកន្លងមក ខណៈអាស៊ីអឺរ៉ុបមានឈ្មោះជាក្រុមតែមួយគត់ដែលមិនទាន់មានពិន្ទុរាប់។

នៅតង់ទីមួយ ក្រុមទាំងពីរបានបញ្ចប់ការប្រកួតក្នុងលទ្ធផលស្មើ១-១ ដោយប្រធានក្រុម ចាន់ ដារ៉ា ស៊ុតបាល់ប៉េណាល់ទីនៅដើមតង់ឲ្យអាស៊ីអឺរ៉ុប ហើយខ្សែប្រយុទ្ធជប៉ុន Sadakuni Tomoki ស៊ុតបាល់ប៉េណាល់ទីតាមបកវិញនៅចុងតង់។ ឈានដល់តង់ទីពីរ ក្រុមទាំងពីរបានបាត់បង់សមាជិកម្នាក់រៀងៗខ្លួន ដោយចាន់ ដារ៉ា (អាស៊ីអឺរ៉ុប) និង អ៊ិន វិច្ឆ័យ (ថាយហ្គឺរ) បានកាតលឿងលើកទីពីរ។ ថាយហ្គឺររកបាន២គ្រាប់ទៀតដែលសម្រេចជាបន្តបន្ទាប់ដោយប្រធានក្រុមKihara Masakazu (គ្រាប់ដំបូងជាការស៊ុតប៉េណាល់ទី)៕