Choe Myong-ho រកបាន៤គ្រាប់ក្នុងជ័យជម្នះរបស់ការពារជាតិ ៥-១ នៅទឹកដីវេស្ទើន

កីឡាជាតិ

ជាតិ

Choe Myong-ho រកបាន៤គ្រាប់ក្នុងជ័យជម្នះរបស់ការពារជាតិ ៥-១ នៅទឹកដីវេស្ទើន

06, Mar 2016 , 5:06 pm

រូបភាព

ខ្សែប្រយុទ្ធកូរ៉េខាងជើង Choe Myong-ho រកបាន៤គ្រាប់ឲ្យក្រសួងការពារជាតិ

ដោយ: រួបរួម

ខ្សែប្រយុទ្ធកូរ៉េខាងជើង Choe Myong-ho បានក្លាយជាកីឡាករទីមួយដែលបានស៊ុតបាល់បញ្ចូលទីរហូតដល់ទៅ៤គ្រាប់តែម្នាក់ឯង ខណៈក្រសួងការពារជាតិ បានទទួលជ័យជម្នះ ៥-១ លើវេស្ទើនភ្នំពេញ នៅកីឡដ្ឋានវេស្ទើន នាជំនួបសប្តាហ៍ទី៣នៃក្របខណ្ឌមិត្តហ្វូនខេមបូឌានលីកឆ្នាំ២០១៦ ។

Choe អតីតកីឡាករជម្រើសជាតិកូរ៉េខាងជើង និងធ្លាប់មានរហស្សនាមថា «Ronaldo កូរ៉េខាងជើង» បានស៊ុតបាល់បញ្ចូលទីបើកឆាកនៅតង់ទីមួយ មុនពេលដែល រ៉ឹង ប៊ុនហៀង បន្ថែមគ្រាប់ទីពីរ នៅនាទី ទី៤៣។ ឈានដល់តង់ទីពីរ Choe រកបានបីគ្រាប់បន្ថែមទៀត (នាទី៥៤, ៧៤, ៧៥) ខណៈ Matthew Osa រកបាន១គ្រាប់បង្គ្រប់កិច្ចសម្រាប់ម្ចាស់ផ្ទះវេស្ទើន។

បន្ទាប់ពីបឹងកេតអង្គរ ក្រសួងការពារជាតិក្លាយជាក្រុមទីពីរដែលឈ្នះបីប្រកួតជាប់ៗគ្នា ខណៈវេស្ទើនទើបរកបាន១ពិន្ទុប៉ុណ្ណោះ ក្រោយស្មើ១លើក និងចាញ់២លើក។ នៅមុនជំនួបរវាងស្វាយរៀង និងអគ្គស្នងការដ្ឋាននគរបាលជាតិ Choe Myong-ho និងចាន់ វឌ្ឍនាកា របស់បឹងកេតអង្គរ កំពុងនាំមុខលើចំនួនគ្រាប់បាល់ដែលបានស៊ុតបញ្ចូលទី (៦គ្រាប់)៕