ម្ចាស់ផ្ទះព្រះខ័នរាជស្វាយរៀងបានត្រឹមចែក១ពិន្ទុជាមួយនគរបាលជាតិ

កីឡាជាតិ

ជាតិ

ម្ចាស់ផ្ទះព្រះខ័នរាជស្វាយរៀងបានត្រឹមចែក១ពិន្ទុជាមួយនគរបាលជាតិ

06, Mar 2016 , 10:17 pm

រូបភាព

ដោយ: ថ្មីៗ

ក្រុមម្ចាស់ផ្ទះស្វាយរៀង បានបាត់បង់ឱកាសក្នុងការដណ្តើមជ័យជម្នះបីលើកជាប់គ្នានាការបើករដូវកាលមិត្តហ្វូនខេមបូឌានលីក ២០១៦ បន្ទាប់ពីក្រុមភ្ញៀវអគ្គស្នងការដ្ឋាននគរបាលជាតិ វាយបកភ្លាមៗ ដើម្បីរក្សាលទ្ធផលស្មើ ១-១ ក្នុងជំនួបនៅកីឡដ្ឋានខេត្តស្វាយរៀងនាល្ងាចថ្ងៃអាទិត្យ។ នៅនាទី ទី៣២ សារ៉េត គ្រីយ៉ា រកគ្រាប់បាល់នាំមុខសម្រាប់ម្ចាស់ផ្ទះ ប៉ុន្តែ២ក្រោយមក អគ្គស្នងការដ្ឋាននគរបាលជាតិ វាយបកតាមស្មើវិញ តាមរយៈការសម្រេចផលរបស់ខ្សែប្រយុទ្ធហ្គាណា Michael Osei Tutu។

ការទទួលបានត្រឹម១ពិន្ទុ នាំឲ្យព្រះខ័នរាជស្វាយរៀង មាន៧ពិន្ទុ ដោយមាន២ពិន្ទុតាមពីក្រោយក្រុមកំពូលតារាងបឹងកេតអង្គរ និងក្រសួងការពារជាតិ ដែលទើបបំបាក់វេស្ទើនភ្នំពេញ ៥-១ នៅថ្ងៃដូចគ្នា។ អគ្គស្នងការដ្ឋាននគរបាលជាតិ នៅតែមិនទាន់ស្គាល់ជ័យជម្នះ ដោយពួកគេទើបទទួលបានត្រឹម២ពិន្ទុពីការប្រកួតបីលើក៕