សកម្មភាពប្រកួតសប្តាហ៍ទី៣នៃក្របខណ្ឌខេមបូឌានលីក២០១៦

កីឡាជាតិ

ជាតិ

សកម្មភាពប្រកួតសប្តាហ៍ទី៣នៃក្របខណ្ឌខេមបូឌានលីក២០១៦

07, Mar 2016 , 2:23 pm

រូបភាព

ដោយ: ថ្មីៗ

ក្នុងការប្រកួតសប្តាហ៍ទី៣នៃក្របខណ្ឌមិត្តហ្វូនខេមបូឌានលីក២០១៦ បឹងកេតអង្គរ បានបំបាក់ស៊ីម៉ាក់យូណាយធីត ៧-០ នៅពហុកីឡដ្ឋានជាតិ នាថ្ងៃសុក្រ មុនពេលខេមបូឌានថាយហ្គឺរយកឈ្នះអាស៊ីអឺរ៉ុបយូណាយធីត ៣-១ ណាហ្គាវើលស៊ីភ្នំពេញក្រោន ២-១ នាថ្ងៃសៅរ៍។ សម្រាប់ជំនួបនៅថ្ងៃអាទិត្យ ក្រសួងការពារជាតិ យកឈ្នះម្ចាស់ផ្ទះវេស្ទើនភ្នំពេញ ៥-១ រីឯអគ្គស្នងការដ្ឋាននគរបាលជាតិបញ្ចប់លទ្ធផលស្មើ ១-១ នៅលើទឹកដីរបស់ព្រះខ័នរាជស្វាយរៀង។

បឹងកេតឈរនៅតំណែងកំពូលតារាង ដោយមាន៩ពិន្ទុស្មើក្រសួងការពារជាតិ។ ព្រះខ័នរាជស្វាយរៀងឈរនៅលេខ៣មាន៧ពិន្ទុ។ ណាហ្គាវើល និងភ្នំពេញក្រោនស្ថិតនៅលេខ៤ និងលេខ៥ ដោយមាន៤ពិន្ទុ ខណៈខេមបូឌានថាយហ្គឺរ និងស៊ីម៉ាក់យូណាយធីត ឈរនៅលេខ៦ និងលេខ៧ ដោយមាន៣ពិន្ទុ។

ក្រុមចំនួន៣ដែលមានទាន់ស្គាល់ជ័យជម្នះ គឺអគ្គស្នងការដ្ឋានគរបាលជាតិ មាន២ពិន្ទុ ក្រោយស្មើ២ និងចាញ់១ វេស្ទើនភ្នំពេញមាន១ពិន្ទុ ក្រោយស្មើ១ និងចាញ់២ រីឯអាស៊ីអឺរ៉ុបយូណាយធីត ចាញ់ទាំងបីប្រកួតនៅដើមរដូវកាល។

សម្រាប់អ្នកស៊ុតបាល់បញ្ចូលទីច្រើនជាងគេ ខ្សែប្រយុទ្ធកូរ៉េខាងជើង Choe Myong-ho របស់ក្រសួងការពារជាតិ មានគ្រាប់បញ្ចូលទីសរុប៦គ្រាប់ស្មើ ចាន់ វឌ្ឍនាការបស់បឹងកេតអង្គរ។ ខ្សែប្រយុទ្ធរវ៉ាន់ដា Atuheire Kipson របស់ព្រះខ័នរាជស្វាយរៀង និងខ្សែប្រយុទ្ធនីហ្សេរីយ៉ា Okereke Timothy របស់ស៊ីម៉ាក់ រកបានម្នាក់៤គ្រាប់។

លោក Masayori Ishikawa អ្នកថតរូបជនជាតិជប៉ុននៃភ្នាក់ងារ KPTStudio និងជាដៃគូរបស់សារព័ត៌មានថ្មីៗ បានផ្តិតយករូបភាពនៃការប្រកួតចំនួន៤នៅសប្តាហ៍ទីបី ដោយលើកលែងតែជំនួបរវាងវេស្ទើនភ្នំពេញ និងក្រសួងការពារជាតិ។

សូមទស្សនាសកម្មភាពនៃការប្រកួតចំនួន៤ដូចខាងក្រោម៖

១. បឹងកេតអង្គរ ឈ្នះ ស៊ីម៉ាក់យូណាយធីត ៧-០