ជាតិ
×![]()
សៀមរាប៖ ការបោះជំរំតង់ ក្នុងបំណងណែនាំអ្នកទេសចរឲ្យស្គាល់ពីសក្កានុពលទេសចរណ៍នៅខេត្តប៉ៃលិន ទទួលបានជោគជ័យលើសពីការរំពឹងទុក។ អ្នកចូលរួមក្នុងកម្មវិធីបោះជំរំតង់នេះ ក្រៅពីមានបទពិសោធន៍ថ្មីៗ ប្លែកអារម្មណ៍ហើយនោះ ពួកគេក៏បានស្គាល់ពីគោលដៅទេសចរណ៍ច្រើនកន្លែងក្នុងខេត្តប៉ៃលិន ដែលជាខេត្តជាប់ព្រំដែនថៃមួយនេះផងដែរ។
ការបោះជំរំតង់ ក្នុងបំណងឲ្យអ្នកទេសចរ ស្គាល់ពីរមណីយដ្ឋានទេសចរណ៍ ដែលទើបបង្កើតថ្មី ឫមិនសូវមានអ្នកស្គាល់ របស់ក្រុម Cambodia Amazing Trip Planner ទទួលបានការចាប់អារម្មណ៍ច្រើនពីអ្នកចូលរួម។ បរិមាណអ្នកចូលរួមហួសពីការគ្រោងទុក គឺមានប្រមាណ ៧០នាក់ ដែលគម្រោងត្រឹមតែ៥០នាក់នោះ។
សមាជិកក្រុម Cambodia Amazing Trip Planner លោក ជីម បានឲ្យដឹងថា ជំរំតង់នៅខេត្តប៉ៃលិន ដែលរៀបចំធ្វើនៅថ្ងៃទី៥ និងទី៦ មីនា ឆ្នាំ២០១៦កន្លងទៅ មានអ្នកចូលរួមច្រើន ក្នុងនោះក៏មានកិច្ចសហការយ៉ាងល្អពីអាជ្ញាធរផងដែរ។ លោក ជីម បន្ថែមថា ក្រុមរបស់លោកមានភាពសប្បាយរីករាយជាខ្លាំង ដោយបាននាំយុវជនពីកន្លែងឆ្ងាយៗ ឲ្យបានស្គាល់តំបន់ទេសចរណ៍នៅខេត្តប៉ៃលិន ដែលគេមិនសូវស្គាល់ និងបានដឹង។ លោក ជីម បន្តទៀតថា ខេត្តប៉ៃលិន មានកន្លែងពិសេសៗជាច្រើន មិនចាញ់ខេត្តទេសចរណ៍ដទៃឡើយ។
ក្រៅពីយុវជនខ្មែរ ដែលបានចូលរួមក្នុងកម្មវិធីជំរំតង់ ឋានសួគ៌ព្រំដែនកម្ពុជា-ថៃ ក្នុងនោះក៏មានជនជាតិបរទេសចូលរួមផងដែរ។ កញ្ញា Juvy Pearl ជនជាតិភីលីពីន មានអារម្មណ៍សប្បាយរីករាយ និងបានកោតសរសើរចំពោះស្នាដៃរៀបចំកម្មវិធីបោះជំរំតង់នេះ។ កញ្ញាបន្ថែមថា នាងមិននឹកស្មានថា យុវជនខ្មែរអាចមានគំនិតរៀបចំកម្មវិធីពិសេសនេះ និងបានណែនាំឲ្យពួកគេស្គាល់ពីកន្លែងទេសចរណ៍ដ៏ស្រស់ស្អាតយ៉ាងដូច្នេះបានសោះ។
អ្នកចូលរួមកម្មវិធីបោះតង់នៅខេត្តប៉ៃលិន បានស្គាល់កន្លែងពិសេសៗមួយចំនួន ក្នុងនោះដូចជាកន្លែងទាខ្វៃពិសេសនៅថ្មគោល ទេសភាពតំបន់កំរៀង ទេសភាពនៅភ្នំព្រឹក និងភ្នំយ៉ាតជាដើម។ ក្រៅពីនោះអ្នកចូលរួម នឹងបានដឹងពីបទពិសោធន៍បោះតង់ក្នុងរីស៊ត Memoria Palace ដែលមានទីតាំងពិសេសនៅតំបន់ភ្នំ និងដែលមានអាកាសធាតុត្រជាក់ស្រួល រួមនិងកម្មវិធីកម្សាន្តជាច្រើនទៀត។ ការទស្សនកិច្ចច្រកព្រំដែនដូន ខ្មែរ-ឡែម និងបន្ថែមលើនេះ ពួកគេក៏បានចុះសហគមន៍ដើម្បីស្គាល់ពីកន្លែងចំការដំណាំដែលមានសក្កានុពលក្នុងខេត្តប៉ៃលិនមួយចំនួន រួមមានចំការមៀនប៉ៃលិន និងចំការលម៉ើ ដែលជាដំណាំថ្មីសម្រាប់ប្រទេសកម្ពុជាផងដែរ។ ក្នុងដំណើរត្រឡប់មកវិញ អ្នកដំណើរទាំងអស់ ក៏បានឆៀងទៅលេងចំការផ្កាឈូករ័ត្ន នៅខេត្តបាត់ដំបង និងដែលកំពុងមានការចាប់អារម្មណ៍ជាខ្លាំង។
គួររម្លឹកថា Cambodia Amazing Trip Planner បង្កើតឡើងដោយក្រុមយុវជនមួយក្រុម ដែលរស់នៅក្នុងខេត្តសៀមរាប។ ក្នុងបំណងផ្សព្វផ្សាយគោលដៅទេសចរណ៍ក្នុងប្រទេសកម្ពុជា ឲ្យសាធារណជនបានដឹងហើយនោះ ក្រុមនេះក៏មិនស្វែងរកប្រាក់ចំនេញនោះដែរ។ ការបោះជំរំតង់នៅខេត្តប៉ៃលិននេះ គឺជាលើកទី២ហើយ ដែលក្រុមនេះបានរៀបចំ ដែលលើកទី១ធ្វើនៅតំបន់ធម្មជាតិត្រាវកុដិ ខេត្តសៀមរាប។ ក្រុមនេះ គ្រោងនឹងរៀបចំកម្មវិធីជំរំតង់នេះជាបន្តបន្ទាប់ទៀត ក្នុងនោះតាមគម្រោងពួកគេនឹងរៀបចំយ៉ាងហោចណាស់ ៦ដងក្នុងមួយឆ្នាំ ឫអាចលើសពីនេះ៕
ការបោះជំរំតង់ ក្នុងបំណងឲ្យអ្នកទេសចរ ស្គាល់ពីរមណីយដ្ឋានទេសចរណ៍ ដែលទើបបង្កើតថ្មី ឫមិនសូវមានអ្នកស្គាល់ របស់ក្រុម Cambodia Amazing Trip Planner ទទួលបានការចាប់អារម្មណ៍ច្រើនពីអ្នកចូលរួម។ បរិមាណអ្នកចូលរួមហួសពីការគ្រោងទុក គឺមានប្រមាណ ៧០នាក់ ដែលគម្រោងត្រឹមតែ៥០នាក់នោះ។
សមាជិកក្រុម Cambodia Amazing Trip Planner លោក ជីម បានឲ្យដឹងថា ជំរំតង់នៅខេត្តប៉ៃលិន ដែលរៀបចំធ្វើនៅថ្ងៃទី៥ និងទី៦ មីនា ឆ្នាំ២០១៦កន្លងទៅ មានអ្នកចូលរួមច្រើន ក្នុងនោះក៏មានកិច្ចសហការយ៉ាងល្អពីអាជ្ញាធរផងដែរ។ លោក ជីម បន្ថែមថា ក្រុមរបស់លោកមានភាពសប្បាយរីករាយជាខ្លាំង ដោយបាននាំយុវជនពីកន្លែងឆ្ងាយៗ ឲ្យបានស្គាល់តំបន់ទេសចរណ៍នៅខេត្តប៉ៃលិន ដែលគេមិនសូវស្គាល់ និងបានដឹង។ លោក ជីម បន្តទៀតថា ខេត្តប៉ៃលិន មានកន្លែងពិសេសៗជាច្រើន មិនចាញ់ខេត្តទេសចរណ៍ដទៃឡើយ។
ក្រៅពីយុវជនខ្មែរ ដែលបានចូលរួមក្នុងកម្មវិធីជំរំតង់ ឋានសួគ៌ព្រំដែនកម្ពុជា-ថៃ ក្នុងនោះក៏មានជនជាតិបរទេសចូលរួមផងដែរ។ កញ្ញា Juvy Pearl ជនជាតិភីលីពីន មានអារម្មណ៍សប្បាយរីករាយ និងបានកោតសរសើរចំពោះស្នាដៃរៀបចំកម្មវិធីបោះជំរំតង់នេះ។ កញ្ញាបន្ថែមថា នាងមិននឹកស្មានថា យុវជនខ្មែរអាចមានគំនិតរៀបចំកម្មវិធីពិសេសនេះ និងបានណែនាំឲ្យពួកគេស្គាល់ពីកន្លែងទេសចរណ៍ដ៏ស្រស់ស្អាតយ៉ាងដូច្នេះបានសោះ។
អ្នកចូលរួមកម្មវិធីបោះតង់នៅខេត្តប៉ៃលិន បានស្គាល់កន្លែងពិសេសៗមួយចំនួន ក្នុងនោះដូចជាកន្លែងទាខ្វៃពិសេសនៅថ្មគោល ទេសភាពតំបន់កំរៀង ទេសភាពនៅភ្នំព្រឹក និងភ្នំយ៉ាតជាដើម។ ក្រៅពីនោះអ្នកចូលរួម នឹងបានដឹងពីបទពិសោធន៍បោះតង់ក្នុងរីស៊ត Memoria Palace ដែលមានទីតាំងពិសេសនៅតំបន់ភ្នំ និងដែលមានអាកាសធាតុត្រជាក់ស្រួល រួមនិងកម្មវិធីកម្សាន្តជាច្រើនទៀត។ ការទស្សនកិច្ចច្រកព្រំដែនដូន ខ្មែរ-ឡែម និងបន្ថែមលើនេះ ពួកគេក៏បានចុះសហគមន៍ដើម្បីស្គាល់ពីកន្លែងចំការដំណាំដែលមានសក្កានុពលក្នុងខេត្តប៉ៃលិនមួយចំនួន រួមមានចំការមៀនប៉ៃលិន និងចំការលម៉ើ ដែលជាដំណាំថ្មីសម្រាប់ប្រទេសកម្ពុជាផងដែរ។ ក្នុងដំណើរត្រឡប់មកវិញ អ្នកដំណើរទាំងអស់ ក៏បានឆៀងទៅលេងចំការផ្កាឈូករ័ត្ន នៅខេត្តបាត់ដំបង និងដែលកំពុងមានការចាប់អារម្មណ៍ជាខ្លាំង។
គួររម្លឹកថា Cambodia Amazing Trip Planner បង្កើតឡើងដោយក្រុមយុវជនមួយក្រុម ដែលរស់នៅក្នុងខេត្តសៀមរាប។ ក្នុងបំណងផ្សព្វផ្សាយគោលដៅទេសចរណ៍ក្នុងប្រទេសកម្ពុជា ឲ្យសាធារណជនបានដឹងហើយនោះ ក្រុមនេះក៏មិនស្វែងរកប្រាក់ចំនេញនោះដែរ។ ការបោះជំរំតង់នៅខេត្តប៉ៃលិននេះ គឺជាលើកទី២ហើយ ដែលក្រុមនេះបានរៀបចំ ដែលលើកទី១ធ្វើនៅតំបន់ធម្មជាតិត្រាវកុដិ ខេត្តសៀមរាប។ ក្រុមនេះ គ្រោងនឹងរៀបចំកម្មវិធីជំរំតង់នេះជាបន្តបន្ទាប់ទៀត ក្នុងនោះតាមគម្រោងពួកគេនឹងរៀបចំយ៉ាងហោចណាស់ ៦ដងក្នុងមួយឆ្នាំ ឫអាចលើសពីនេះ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
