ពីនេះ ពីនោះ
×![]()
ដោយ: ថ្មីៗ
រកាជាដើមឈើមានកម្ពស់ ១០ទៅ២០ម៉ែត្រមានបន្លា។ វាជាប្រភេទរុក្ខជាតិដែលដុះក្នុងព្រៃល្បោះនៃប្រទេសអាស៊ីផ្នែកអាគ្នេយ៍។ ពេលខ្លះគេដាំរកាតាមវិថីនានា។ គ្រាប់រកាមានរោម សសៃវែងៗ ដូចគរដែលគេប្រើញាត់ពួកខ្នើយបាន។ 
ឈើរកានេះ គេយកមកធ្វើក្ដារផ្ទះ និងសម្រាប់ធ្វើស្គរ។ ចំណែក ផ្កា គ្រាប់ និងសំបក របស់វា គេយកធ្វើថ្នាំព្យាបាលរោគផ្សេងៗ ប៉ុន្តែថ្នាំនេះគេប្រើតែក្នុងប្រទេសឥណ្ឌូចិនទេ។ ទឹកស្ងោរផ្កាផឹកឲ្យបាត់មួល ប៉ុន្តែត្រូវលីញផ្កាសិនមុននិងស្ងោរ។ គេលីញគ្រាប់ ហើយស្ងោរផឹក នៅពេលដែលស្ត្រីជាម្ដាយមានកូនតូចមិនសូវមានទឹកដោះឲ្យកូនបៅ។ ចំណែកគ្រូថ្នាំ និយមប្រើសំបកដើមរកា ផ្សំជាឱសថបិទលើជើង ដៃ បាក់ដើម្បីឲ្យឆ្អឹង ជាប់គ្នាវិញ និងឲ្យមុខរបួសឆាប់ជា។ មិនតែប៉ុណ្ណោះ គេស្ងោរសំបកឲ្យអ្នកឈឺធ្មេញពេលយប់ផឹក ដើម្បីកុំឲ្យឈឺខ្លាំងពេក ទំរាំពេលព្រឹកឡើង ទៅមើលនៅមន្ទីពេទ្យ។ ទឹកស្ងោរសំបក គឺជាឱសថម្យ៉ាងទៀត អាចឃាត់ឈាមបាន។
[ដកស្រង់ពីសៀវភៅ៖ វចនានុក្រមការប្រើប្រាស់រុក្ខជាតិក្នុងប្រទេសកម្ពុជា]
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 14 ម៉ោង
