ជាតិ
សង្គមជាតិ
×![]()
ដោយ: សារព័ត៌មានថ្មីៗ
សុរិន្ទ-ប្រទេសថៃ៖ នៅពេលព្រឹក ស្នាក់ការប៉ុស្តិ៍នគរបាលច្រកទ្វារអន្តរជាតិអូរស្មាច់ ខេត្តឧត្តរមានជ័យ ប្រជាពលរដ្ឋខ្មែរ បានចូលទៅធ្វើសៀវភៅស (ប្រើជំនួសលិខិតឆ្លងដែន តែក្នុងរង្វង់ខេត្តសុរិន្ទតែប៉ុណ្ណោះ) ដើម្បីឆ្លងដែនទៅខេត្តសុរិន្ទ។ នេះមិនរាប់ទាំងអ្នកខ្លះ ដែលប្រើលិខិតឆ្លងដែនផ្លូវការផង។ យោងតាមការអះអាងរបស់មន្ត្រីនគរបាលច្រកទ្វារអន្តរជាតិអូរស្មាច់ មិនមានរបាយការណ៍ជាក់លាក់ពីចំនួនមនុស្សដែលចេញចូលក្នុងមួយថ្ងៃៗឡើយ តែគ្រាន់តែបញ្ជាក់ថា តួលេខមិនទៀងថ្ងៃខ្លះ១០០នាក់ ឫលើសពីនេះ។
ទៅជាគ្មានរបាយការណ៍ក៏ពិតមែន តែគេអាចឃើញតាមរយៈការឃើញផ្ទាល់។ នៅក្នុងមន្ទីរពេទ្យខេត្តសុរិន្ទ ដែលពលរដ្ឋខ្មែរបានល្បីតៗគ្នាថា ព្យាបាលពូកែនោះ គេឃើញ មានអ្នកជំងឺទាំងក្មេង ទាំងចាស់ និងខ្លះមកពីខេត្តឆ្ងាយៗ មានដូចជាខេត្តស្ទឹងត្រែង និងមណ្ឌលគិរី រតនគិរីជាដើម។ អាចនិយាយបានថា ជិត៨០ភាគរយហើយ ដែលអ្នកជំងឺជាជនជាតិខ្មែរ។ ក្រៅពីនេះ គេឃើញមានអ្នកខេត្តសុរិន្ទមួយចំនួនតូច ដែលមានមុខមាត់ស្រដៀងនឹងជនជាតិខ្មែរ ហើយអាចនិយាយ និងស្តាប់ភាសាខ្មែរបានតិចតួច ដែលបានចូលទៅព្យាបាលជំងឺនៅមន្ទីរពេទ្យ រួមផែត ម៉រអាណាន់។
ដោយសារកត្តានេះហើយ ទើបមន្ទីរពេទ្យរួមផែត ម៉រអាណាន់ នៅខេត្តសុរិន្ទ បានសម្រួលរាល់ផ្នែកសេវាព្យាបាលជាច្រើនដល់ជនជាតិខ្មែរ ក្នុងនោះគ្រួពេទ្យអាចនិយាយភាសាខ្មែរបាន ហើយវេជ្ជបញ្ជា ក៏មានជាភាសាខ្មែរខ្លះៗផងដែរ។
តាមការសាកសួររបស់អ្នកជំងឺជនជាតិខ្មែរ ពួកគេនិយាយដូចៗគ្នាថា សេវាព្យាបាល និងថ្នាំនៅមន្ទីរពេទ្យប្រទេសថៃ គឺល្អប្រសើរជាងនៅកម្ពុជា។ ការចំណាយអស់ទាបជាង រួមនិងគុណភាពផង។ ទាំងនេះហើយ ដែលធ្វើឲ្យពលរដ្ឋខ្មែរមួយចំនួន មិនអល់អែរឆ្លងដែនទៅព្យាបាលនៅប្រទេសថៃ។
អ្នកជំងឺជាក់ស្តែង ដែលចេញទៅព្យាបាលជំងឺនៅខេត្តសុរិន្ទប្រទេសថៃ មានទាំងអ្នកមាន អ្នកមធ្យម និងខ្លះទៀតក៏មានជីវភាពទីទាល់ក្រផងដែរ ព្រោះថា សេវាព្យាបាលនៅទីនោះ មានការយកចិត្តទុកដាក់ សេវារហ័ស និងតម្លៃប្រហាក់ប្រហែល និងអស់ថោកជាងមន្ទីរពេទ្យក្នុងស្រុកផង។ អ្នកជំងឺដែលគេឃើញមានច្រើនជាងគេ បន្ទាប់ពីខេត្តកំពង់ចាម ក្រចេះ ស្ទឹងត្រែង។ល។នោះ គឺអ្នកខេត្តសៀមរាប ដែលសម្រុកចេញទៅព្យាបាលជំងឺនៅខេត្តសុរិន្ទច្រើនលើសលុប។ តាមការសាកសួរ ពលរដ្ឋខ្មែរមួយចំនួនបានប្រើប្រាស់សេវាព្យាបាលជំងឺរបស់មន្ទីរពេទ្យខេត្តសុរិន្ទ អស់ច្រើនឆ្នាំមកហើយ ខ្លះទៀតក៏ទើបនឹងសាកល្បងផងដែរ៕
ទៅជាគ្មានរបាយការណ៍ក៏ពិតមែន តែគេអាចឃើញតាមរយៈការឃើញផ្ទាល់។ នៅក្នុងមន្ទីរពេទ្យខេត្តសុរិន្ទ ដែលពលរដ្ឋខ្មែរបានល្បីតៗគ្នាថា ព្យាបាលពូកែនោះ គេឃើញ មានអ្នកជំងឺទាំងក្មេង ទាំងចាស់ និងខ្លះមកពីខេត្តឆ្ងាយៗ មានដូចជាខេត្តស្ទឹងត្រែង និងមណ្ឌលគិរី រតនគិរីជាដើម។ អាចនិយាយបានថា ជិត៨០ភាគរយហើយ ដែលអ្នកជំងឺជាជនជាតិខ្មែរ។ ក្រៅពីនេះ គេឃើញមានអ្នកខេត្តសុរិន្ទមួយចំនួនតូច ដែលមានមុខមាត់ស្រដៀងនឹងជនជាតិខ្មែរ ហើយអាចនិយាយ និងស្តាប់ភាសាខ្មែរបានតិចតួច ដែលបានចូលទៅព្យាបាលជំងឺនៅមន្ទីរពេទ្យ រួមផែត ម៉រអាណាន់។
ដោយសារកត្តានេះហើយ ទើបមន្ទីរពេទ្យរួមផែត ម៉រអាណាន់ នៅខេត្តសុរិន្ទ បានសម្រួលរាល់ផ្នែកសេវាព្យាបាលជាច្រើនដល់ជនជាតិខ្មែរ ក្នុងនោះគ្រួពេទ្យអាចនិយាយភាសាខ្មែរបាន ហើយវេជ្ជបញ្ជា ក៏មានជាភាសាខ្មែរខ្លះៗផងដែរ។
តាមការសាកសួររបស់អ្នកជំងឺជនជាតិខ្មែរ ពួកគេនិយាយដូចៗគ្នាថា សេវាព្យាបាល និងថ្នាំនៅមន្ទីរពេទ្យប្រទេសថៃ គឺល្អប្រសើរជាងនៅកម្ពុជា។ ការចំណាយអស់ទាបជាង រួមនិងគុណភាពផង។ ទាំងនេះហើយ ដែលធ្វើឲ្យពលរដ្ឋខ្មែរមួយចំនួន មិនអល់អែរឆ្លងដែនទៅព្យាបាលនៅប្រទេសថៃ។
អ្នកជំងឺជាក់ស្តែង ដែលចេញទៅព្យាបាលជំងឺនៅខេត្តសុរិន្ទប្រទេសថៃ មានទាំងអ្នកមាន អ្នកមធ្យម និងខ្លះទៀតក៏មានជីវភាពទីទាល់ក្រផងដែរ ព្រោះថា សេវាព្យាបាលនៅទីនោះ មានការយកចិត្តទុកដាក់ សេវារហ័ស និងតម្លៃប្រហាក់ប្រហែល និងអស់ថោកជាងមន្ទីរពេទ្យក្នុងស្រុកផង។ អ្នកជំងឺដែលគេឃើញមានច្រើនជាងគេ បន្ទាប់ពីខេត្តកំពង់ចាម ក្រចេះ ស្ទឹងត្រែង។ល។នោះ គឺអ្នកខេត្តសៀមរាប ដែលសម្រុកចេញទៅព្យាបាលជំងឺនៅខេត្តសុរិន្ទច្រើនលើសលុប។ តាមការសាកសួរ ពលរដ្ឋខ្មែរមួយចំនួនបានប្រើប្រាស់សេវាព្យាបាលជំងឺរបស់មន្ទីរពេទ្យខេត្តសុរិន្ទ អស់ច្រើនឆ្នាំមកហើយ ខ្លះទៀតក៏ទើបនឹងសាកល្បងផងដែរ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ម៉ោង
