អាមេរិក នឹងចូលរួមសង្កេតការណ៍បោះឆ្នោតនៅកម្ពុជា

ជាតិ

នយោបាយជាតិ

អាមេរិក នឹងចូលរួមសង្កេតការណ៍បោះឆ្នោតនៅកម្ពុជា

14, Mar 2016 , 10:39 pm

រូបភាព

លោក ហង្ស ពុទ្ធា អ្នកនាំពាក្យ គ.ជ.ប

ដោយ: ថ្មីៗ

សហរដ្ឋអាមេរិក នឹងចូលរួមសង្កេតការណ៍លើការបោះឆ្នោតនៅកម្ពុជា ក្នុងឆ្នាំ២០១៧ និងឆ្នាំ២០១៨ ខាងមុខ។ នេះបើតាមលោក ហង្ស ពុទ្ធា អ្នកនាំពាក្យគ.ជ.ប ដែលស្រង់ប្រសាសន៍របស់លោក William A. Heidt ឯកអគ្គរដ្ឋទូតសហរដ្ឋអាមេរិកប្រចាំកម្ពុជា នៅក្នុងកិច្ចប្រជុំជាមួយ គ.ជ.ប កាលពីថ្ងៃទី១០ មីនា ។

អ្នកនាំពាក្យគ.ជ.ប លោក ហង្ស ពុទ្ធា ស្វាគមន៍ចំពោះសហរដ្ឋអាមេរិក ដែលនឹងបញ្ជូនអ្នជំនាញរបស់ខ្លួនមកចូលរួមសង្កេតការណ៍លើការបោះឆ្នោតថ្នាក់ឃុំ-សង្កាត់និងការបោះឆ្នោតថ្នាក់ជាតិ នៅពេលខាងមុខ។ លោកថា ការចូលរួមរបស់សហរដ្ឋអាមេរិក ព្រោះប្រទេសមហាអំណាចមួយនេះ ចង់ឲ្យប្រជាពលរដ្ឋកម្ពុជា មានជំនឿកាន់តែខ្លាំងឡើងមកលើស្ថាប័ន គ.ប.ប ។

លោក ហង្ស ពុទ្ធា បានបន្ថែមថា សហរដ្ឋអាមេរិក ក៏បានសន្យាថា នឹងផ្តល់ជំនួយដល់ «គណៈកម្មការចំពោះកិច្ចសម្រាប់ការអប់រំសាធារណជន» របស់គ.ប.ប ផងដែល ដើម្បីឲ្យគណៈកម្មការនេះដំណើរទៅដោយរលូនក្នុងការបង្រៀនប្រជាពលរដ្ឋ។ ប៉ុន្តែលោកមិនទាន់អាចបញ្ជាក់លម្អិតថា សហរដ្ឋអាមេរិកនឹងជួយគ.ជ.ប ក្នុងកម្រិតណានោះទេ៕