ក្បាច់គុនបុរាណខ្មែរធ្វើឲ្យមនុស្ស៥ម៉ឺននាក់ភ្ញាក់ផ្អើលកាលពីយប់មិញ

ជាតិ

ក្បាច់គុនបុរាណខ្មែរធ្វើឲ្យមនុស្ស៥ម៉ឺននាក់ភ្ញាក់ផ្អើលកាលពីយប់មិញ

19, Mar 2016 , 2:17 pm

រូបភាព

ដោយ:

ក្បាច់គុនបុរាណខ្មែរ ដែលជាកេរដំណែលរបស់បុព្វបុរសខ្មែរ ត្រូវបានកងកម្លាំងខេមរភូមិន្ទកម្ពុជាយកមកសម្តែងនៅក្នុងព្រឹត្តិការណ៍ការប្រកួតបាល់ទាត់មិត្តភាពអន្តរជាតិរវាងក្រុម Cambodia All Stars និង Lao All Stars ដើម្បីអបអរខួប៦០ឆ្នាំ នៃទំនាក់ទំនងការទូតរវាងកម្ពុជា ឡាវ កាលពីល្ងាចថ្ងៃទី១៨ ខែមីនា ឆ្នាំ២០១៦ នាពហុកីឡដ្ឋានជាតិ ដែលធ្វើឲ្យមនុស្សប្រមាណជា ៥ម៉ឺននាក់បង្ហាញការភ្ញាក់ផ្អើល។

ក្បាច់គុនបុរាណខ្មែរ ដែលមានការរួមបញ្ចូលរវាងក្បាច់គុនល្បុក្កតោ និងក្បាច់គុនខម ដែលគេឲ្យឈ្មោះថា«ក្បាច់គុនបុរាណខ្មែរជួរកងទ័ព» ត្រូវបានកងកម្លាំងខេមរភូមិន្ទកម្ពុជា យកមកសម្តែង និងបង្ហាញពីភាពអស្ចារ្យនៅមុខទស្សនិកជននាពហុកីឡដ្ឋានជាតិ កាលពីយប់ថ្ងៃទី១៨ ខែមីនា។ អ្នកទស្សនាជាតិ និងអន្តរជាតិបប្រមាណជា ៥ម៉ឺននាក់ដែលមកទស្សនាការប្រកួតបាល់ទាត់មិត្តភាពអន្តរជាតិរវាង Cambodia All Stars និង Lao All Stars បានសម្តែងអារម្មណ៍ភ្ញាក់ផ្អើល លាយឡំនឹងភាពសប្បាយរីករាយ ព្រមទាំងសម្តែងការគាំទ្រយ៉ាងខ្លាំង ចំពោះភាពអស្ចារ្យរបស់ក្បាច់គុននេះ៕