កីឡាជាតិ
×![]()
ភ្នំពេញ៖ បន្ទាប់ពីធ្វើការប្រកួតអស់រយៈជាច្រើនសប្តាហ៍កន្លងមក ការប្រកួតដណ្តើជើងឯកស្រាបៀរលីអូ រដូវកាលទី២របស់ស្ថានីយ៍ទូរទស្សន៍ PNN បានបញ្ចប់ការប្រកួតវគ្គផ្តាច់ព្រ័ត្រកាលពីថ្ងៃទី១៩ ខែមីនា ម្សិលមិញ ដោយម្ចាស់ជើងឯកជាមួយនឹងទឹកប្រាក់ ៥ពាន់ដុល្លារ បានទៅលើកីឡាករមកពីក្លិបកងពលតូចឆត្រយោង៩១១ ឡៅ ចន្ទ្រា បន្ទាប់ពីផ្តួលកីឡាករ សូត្រ ប៊ុនធី សន្លប់ក្នុងទឹកទី២។
កីឡាករ ឡៅ ចន្ទ្រា មកពីក្លិបកងពលតូចឆត្រយោង៩១១ បានក្លាយជាម្ចាស់ជើងឯកជាមួយនឹងថវិកា ៥ពាន់ដុល្លារប្រចាំរដូវកាលទី២របស់ស្រាបៀរលីអូបន្ទាប់ពីផ្តួលកីឡាករ សូត្រ ប៊ុនធី ឲ្យសន្លប់ក្នុងទឹកទី២ ដោយប្រើកែងស្តាំទៅលើកញ្ចឹងករ នៅលើសង្វៀនភីអិនអិន កាលពីថ្ងៃទី១៩ ខែមីនា ម្សិលមិញ ខណៈការប្រកួតដណើ្តមយកចំណាត់ថ្នាក់លេខ៣ និងលេខ៤ កីឡាករឡាវ Ha Chhlamបានផ្តួលកីឡាករថៃ Sam A ឲ្យសន្លប់ក្នុងទឹកទី២ផងដែរ។
កីឡាករ សូត្រ ប៊ុនធី បានសន្លប់ក្នុងផ្លែកែងរបស់កីឡាករ ឡៅ ចន្ទ្រា នៅក្នុងទឹកទី២ បន្ទាប់ពីរូបគេបានប្តូរកែងជាមួយ ចន្ទ្រា តាំងពីដើមទឹករហូតដល់ពាក់កណ្តាលទឹក ប៉ុន្តែជាអកុសលនៅចុងទឹកទី២ ខណៈដែលកំពុងអោបគ្នាជាមួយ ចន្ទ្រា រូបគេបានព្យាយាមគេច តែត្រូវ ចន្ទ្រា ដាក់មួយកែងចំកញ្ចឹងករ សន្លប់ក្នុងទឹកនោះតែម្តង។
គួរបញ្ជាក់ថា សម្រាប់ការប្រកួតជើងឯកស្រាបៀរលីអូ រដូវកាលទី២របស់ស្ថានីយទូរទស្សន៍ ភីអិនអិន ម្ចាស់ជើងឯកបានទៅកីឡាករ ឡៅ ចន្ទ្រា ខណៈជើងឯករងបានទៅកីឡាករ សូត្រ ប៊ុនធី ឫឯលេខ៣ បានទៅ Ha Chhlam (ឡាវ) និងលេខ៤ បានទៅកីឡាករ Sam A (ថៃ)។ សម្រាប់ប្រាក់រង្វាន់ម្ចាស់ជើងឯកទទួលបានពានមួយអមជាមួយថវិកា ៥ពាន់ដុល្លារ ខណៈម្ចាស់ជើងឯករងទទួលបានថវិកា ៣ពាន់ដុល្លារ ឫឯលេខ៣ទទួលបាន២ពាន់ដុល្លារ និងលេខ៤ទទួលបានមួយពាន់ដុល្លារ៕
Tag:
ប្រដាល់
ឡៅ ចន្ទ្រា
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
