កីឡាជាតិ
ជាតិ
×![]()
ដោយ: ថ្មីៗ
សហព័ន្ធកីឡាបាល់ទាត់កម្ពុជា (FFC) បានបង្កើតឲ្យមានក្រុម Cambodia All Stars សម្រាប់ការប្រកួតមិត្តភាពជាបន្តបន្ទាប់ជាមួយក្លិបកំពូលថៃ និង Lao All Stars ក្នុងទិសដៅពង្រឹងចំណងមិត្តភាពការទូតជាមួយប្រទេសជិតខាងទាំងពីរ។
ក្រោមការដឹកនាំរបស់លោក ប្រាក់ សុវណ្ណារ៉ា គ្រូបង្វឹកក្លិបបឹងកេតអង្គរ ក្រុម Cambodia All Stars ដែលមានវត្តមានកីឡាករបរទេសផងដែរនោះ បានយកឈ្នះទាំងបីប្រកួត ដោយឈ្នះ SCG Muangthong ជើងឯករង Thai League ៤-៣ កាលពីថ្ងៃទី១៦ ខែមករា នាការប្រកួតដើម្បីមន្ទីរពេទ្យគន្ធបុប្ឆា ហើយបន្តឈ្នះជើងឯកថៃ Buriram United ៦-៥ ដោយការទាត់បាល់ប៉េណាល់ទីក្រោយស្មើ ២-២ នាជំនួបរំលឹកចំណងការទូត៦៥ឆ្នាំរវាងកម្ពុជា និងថៃ។ ជ័យជម្នះនេះ បាននាំឲ្យសម្តេច ហ៊ុន សែន រំភើបចិត្ត ហើយប្រកាសឧបត្ថម្ភប្រាក់៣៦០០០ដុល្លារអាមេរិកដល់កីឡាករ និងសមាជិកគ្រូបង្វឹកដែលមាន៣៦នាក់ ពោលគឺម្នាក់ៗ បាន១០០០ដុល្លារអាមេរិក។
ក្រោយទទួលថិវកាដោយផ្ទាល់ដៃពីសម្តេច ហ៊ុន សែន រួចមក ក្រុម Cambodia All Stars ដែលមានផ្លាស់ប្តូរសមាសភាពមួយចំនួន បានបន្តយកឈ្នះក្រុម Lao All Stars ៣-២ នាជំនួបពង្រឹងចំណងការទូត៦០ឆ្នាំ រវាងកម្ពុជា និងឡាវ។ ភ្លាមៗក្រោយការប្រកួត សម្តេច ហ៊ុន សែន បានប្រកាសឧបត្ថម្ភដល់សមាជិកកីឡាករ និងគ្រូបង្វឹកក្នុងម្នាក់ៗ ៤លានរៀល ខណៈលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេស ឧបត្ថម្ភ ១ម៉ឺនដុល្លារអាមេរិក ដល់ក្រុមទាំងមូល៕
ក្រោមការដឹកនាំរបស់លោក ប្រាក់ សុវណ្ណារ៉ា គ្រូបង្វឹកក្លិបបឹងកេតអង្គរ ក្រុម Cambodia All Stars ដែលមានវត្តមានកីឡាករបរទេសផងដែរនោះ បានយកឈ្នះទាំងបីប្រកួត ដោយឈ្នះ SCG Muangthong ជើងឯករង Thai League ៤-៣ កាលពីថ្ងៃទី១៦ ខែមករា នាការប្រកួតដើម្បីមន្ទីរពេទ្យគន្ធបុប្ឆា ហើយបន្តឈ្នះជើងឯកថៃ Buriram United ៦-៥ ដោយការទាត់បាល់ប៉េណាល់ទីក្រោយស្មើ ២-២ នាជំនួបរំលឹកចំណងការទូត៦៥ឆ្នាំរវាងកម្ពុជា និងថៃ។ ជ័យជម្នះនេះ បាននាំឲ្យសម្តេច ហ៊ុន សែន រំភើបចិត្ត ហើយប្រកាសឧបត្ថម្ភប្រាក់៣៦០០០ដុល្លារអាមេរិកដល់កីឡាករ និងសមាជិកគ្រូបង្វឹកដែលមាន៣៦នាក់ ពោលគឺម្នាក់ៗ បាន១០០០ដុល្លារអាមេរិក។
ក្រោយទទួលថិវកាដោយផ្ទាល់ដៃពីសម្តេច ហ៊ុន សែន រួចមក ក្រុម Cambodia All Stars ដែលមានផ្លាស់ប្តូរសមាសភាពមួយចំនួន បានបន្តយកឈ្នះក្រុម Lao All Stars ៣-២ នាជំនួបពង្រឹងចំណងការទូត៦០ឆ្នាំ រវាងកម្ពុជា និងឡាវ។ ភ្លាមៗក្រោយការប្រកួត សម្តេច ហ៊ុន សែន បានប្រកាសឧបត្ថម្ភដល់សមាជិកកីឡាករ និងគ្រូបង្វឹកក្នុងម្នាក់ៗ ៤លានរៀល ខណៈលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេស ឧបត្ថម្ភ ១ម៉ឺនដុល្លារអាមេរិក ដល់ក្រុមទាំងមូល៕
Tag:
Cambodia All Stars
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
