ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
ការប្រកួត «អុកចត្រង្គអង្គរសង្ក្រាន្ត»ជាយុទ្ធនាការពង្រឹងអ្នកខ្លាំងសម្រាប់ស៊ីហ្គេម
23, Mar 2016 ,
9:59 pm
រូបភាព
×
ដោយ:
លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា(NOCC) នាសន្និសីទសារព័ត៌មាន«ការប្រកួតអុកចត្រង្គអង្គរសង្ក្រាន្ត ២០១៦» កាលពីថ្ងៃទី២២ ខែមីនា នៅទីស្នាក់ការ NOCC បានមានប្រសាសន៍ថា ដោយសារកម្ពុជាទទួលបានសិទ្ធធ្វើជាម្ចាស់ផ្ទះនៃការប្រកួតស៊ីហ្គេមលើកទី៣២ នៅឆ្នាំ២០២៣ NOCC បានសម្រេចដាក់កីឡាដែលជាអត្តសញ្ញាណជាតិ«អុកចត្រង្គ» ដើម្បីចូលរួមប្រកួតក្នុងព្រឹត្តិការណ៍នេះជាលក្ខណៈពិសេស។
គណៈកម្មាធិការជាតិអូឡាំពិកកម្ពុជា បានសម្រេចដាក់កីឡាដែលជាអត្តសញ្ញាណជាតិ «អុកចត្រង្គ»ក្នុងព្រឹត្តិការណ៍ប្រកួតកីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជានឹងធ្វើជាម្ចាស់ផ្ទះ ក្នុងគោលបំណងដើម្បីពង្រឹង និងពង្រីកវិស័យកីឡាមួយនេះឲ្យកាន់តែមានការរីកចម្រើនខ្លាំងឡើង ជាពិសេសដើម្បីអភិវឌ្ឍន៍ និងអភិរក្សកីឡាមួយនេះឲ្យមានភាពគង់វង្ស និងដើម្បីឲ្យកីឡាមួយនេះជ្រួលជ្រាបទៅប្រទេសដ៏ទៃផ្សេងៗទៀត។ នេះបើយោងតាម លោក វ៉ាត់ ចំរើន នាសន្និសីទសារព័ត៌មាន«ការប្រកួតកីឡាអុកចត្រង្គអង្គរសង្ក្រាន្ត ២០១៦» កាលពីថ្ងៃទី២២ ខែមីនា នៅទីស្នាក់ការ NOCC។
ពាក់ព័ន្ធទៅនឹងបញ្ហានេះ លោក វ៉ាត់ ចំរើន បានបញ្ជាក់ថា ការដាក់បញ្ចូលកីឡាអុកចត្រង្គនេះវាច្បាប់របស់ស៊ីហ្គេម ប៉ុន្តែមិនមែនដាក់ឲ្យប្រកួតទូទៅនោះទេ ជាការប្រកួតលក្ខណៈពិសេសដោយឡែកសម្រាប់ម្ចាស់ផ្ទះប៉ុណ្ណោះ។ លោកបានបញ្ជាក់ថា៖«នៅក្នុងច្បាប់របស់ស៊ីហ្គេមម្ចាស់ផ្ទះមានសិទ្ធដាក់កីឡាប្រពៃណីរបស់ខ្លួនដាច់ដោយឡែក ដូច្នេះយើងដាក់កីឡាអុកចត្រង្គនេះមួយ ឫឯក្បាច់គុនបុរាណខ្មែរ ឫគុនខ្មែរនោះយើងនឹងដាក់ប្រកួតក្នុងកម្មវិធីធំតែម្តង។ កីឡាអុកចត្រង្គនេះ យើងដាក់ក្នុងកម្មវិធីប្រកួត ប៉ុន្តែជាកម្មវិធីប្រកួតពិសេស មិនមែនជាការប្រកួតទូទៅនោះទេ»។
លោកអគ្គលេខាធិការនៃគណៈកម្មាធិការជាតិអូឡាំពិកកម្ពុជាបានបន្ថែមថា ដោយទទួលបានការអនុញ្ញាតពី លោក ហ៊ុន ម៉ានី ប្រធានសភាពសហព័ន្ធយុវជនកម្ពុជា ក្នុងការរៀមចំកម្មវិធីអង្គរសង្ក្រាន្ត ឆ្នាំ២០១៦ ដែលមកដល់ក្នុងពេលឆាប់ៗខាងមុខនេះ គណៈកម្មាធិការជាតិអូឡាំពិកកម្ពុជា នឹងដាក់ឲ្យមានការប្រកួត និងសម្តែងកីឡាវប្បធម៌ ប្រពៃណី ចំនួន២ប្រភេទ គឺ អុកចត្រង្គ និងក្បាច់គុនល្បុក្កតោ។ គិតត្រឹមថ្ងៃទី២២ ខែមីនា ឆ្នាំ២០១៦ មានកីឡាករទូទាំងប្រទេសចុះឈ្មោះចូលរួមប្រកួតកីឡាអុកចត្រង្គចំនួនជាង ៦០នាក់ ប៉ុន្តែលោកសង្ឃឹមថា នឹងទទួលបានអ្នកចូលរួមជាង១០០នាក់សម្រាប់ឆ្នាំនេះ។ ក្នុងចំណោម៦០នាក់នោះក៏មានវត្តមានអតីតម្ចាស់ជើងឯកប្រចាំព្រឹត្តិការណ៍អង្គរសង្ក្រាន្ត ឆ្នាំ២០១៥ ផងដែរ។ កីឡាករទាំងនេះនឹងចាប់ផ្តើមធ្វើការប្រកួតជម្រុះ៤ថ្ងៃ នៅទីស្នាក់ការ NOCC ចាប់ពីថ្ងៃទី៥ ដល់ថ្ងៃទី៨ ខែមេសា ខណ់ៈការប្រកួតវគ្គផ្តាច់ព្រ័ត្រ នឹងប្រព្រឹត្តទៅនៅមុខប្រាសាទអង្គរវត្ត ចាប់ពីថ្ងៃទី១៣ ដល់ថ្ងៃទី១៦ ខែមេសា។
ជាមួយគ្នានេះ លោក វ៉ាត់ ចំរើន អនុរដ្ឋលេខាធិការក្រសួងទេសចរណ៍បានប្រកាសថា សម្រាប់ការប្រកួតឆ្នាំនេះមានលក្ខណៈខុសប្លែងពីឆ្នាំមុនដោយមានការកែប្រែលក្ខខណ្ឌប្រកួតមួយចំនួនឲ្យស្របតាមចំណង់ចំណួលចិត្តរបស់អ្នកលេង ហើយសម្រាប់ប្រាក់លើកទឹកចិត្តក៏មានខុសប្លែកផងដែរ។ លោករៀបរាប់ថា៖«ចំណុចសំខាន់ក្នុងឆ្នាំនេះគឺយើងមានការកែប្រែបទបញ្ជាការប្រកួតមួយចំនួនឲ្យត្រូវទៅនឹងចំណង់ចំណូលចិត្តរបស់បងប្អូនអ្នកលេង ព្រោះរបៀបលេងអុករបស់យើងមានក្បួនខ្នាតត្រឹមត្រូវ មានការសរសេរឯកសារពីក្រសួងវិចិត្រសិល្បៈគោល ប៉ុន្តែយើងបានបំឡែងវាទៅជាល្បែងកីឡា មានន័យថា យើងបានកំណត់ពេលវេលានៃការឈ្នះចាញ់ទោះបីជាអាប់ក្រឡាក៏ដោយ»។
សម្រាប់ប្រាក់រង្វាន់លើកទឹកចិត្តម្ចាស់ជើងឯកទទួលបាន ១២លានរៀល ឫឯម្ចាស់ជើងឯករងទទួលបាន ៨លានរៀល និងចំណាត់ថ្នាក់លេខ៣ ទទួលបាន ៤លានរៀល ប៉ុន្តែសម្រាប់រង្វាន់លើកទឹកចិត្តនេះត្រូវលោក វ៉ាត់ ចំរើន អះអាងថា នឹងអាចមានការកែប្រែ ព្រោះចំនួនវាជាទឹកប្រាក់កំពុងស្ថិតក្នុងដៃ ព្រោះ លោក នឹងខិតខំស្វែងរកអ្នកជួយបន្ថែមទៀត។
ទន្ទឹមនឹងមានអ្នកចូលរួមយ៉ាងផុសផុលសម្រាប់ការចុះចូលរួមប្រកួតរបស់កីឡាករក៏ដោយ ប៉ុន្តែ លោកអនុរដ្ឋលេខាធិការរូបនេះ បានអំពាវនាវរកប្រាក់ឧបត្ថម្ភលើកទឹកចិត្តដល់កីឡាករបន្ថែមផងដែរ ដោយលោកបានបញ្ជាក់ថា ប្រសិនបើ ឯកឧត្តម លោកឧកញ៉ា អស់លោក លោកស្រី ទាំងអស់ចង់ជួយឧបត្ថម្ភមេត្តាទាក់ទងទៅខាងគណៈកម្មាធិការជាតិអូឡាំពិកផ្ទាល់ ជាពិសេសលោកបានអំពាវនាវដល់បងប្អូនប្រជាពលរដ្ឋនៅតាមខេត្តទាំងអស់ដែលមានសមត្ថភាពសូមទៅចុះឈ្មោះចូលរួមប្រកួតទាំងអស់គ្នា ការធ្វើបែបនេះក្នុងគោលបំណង ដើម្បីកុំឲ្យមានការឃ្លាតឆ្ងាយពីគ្រួសារអុកចត្រង្គ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
អុកចត្រង្គ
អង្គសង្ក្រាន្ត
វ៉ាត់ ចំរើន
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
14 ម៉ោង
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
1 សប្តាហ៍
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
3 ថ្ងៃ
តើពាក្យងារជា «សម្តេច» មានន័យដូចម្តេច?
5 ថ្ងៃ
រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា
3 ថ្ងៃ
អត្ថបទពេញនិយមបន្ថែម