ជាតិ
លោក សាយ សំអាល់ លើកទឹកចិត្តឲ្យសាលារៀនដាក់ថាមពលពន្លឺព្រះអាទិត្យ
×
លោក សាយ សំអាល់ រដ្ឋមន្ត្រីក្រសួងបរិស្ថាន បានជុំរុញឲ្យសាលារៀនទាំងអស់ដាក់ពាក្យស្នើសុំគោលការណ៍ដំឡើងថាមពលព្រះអាទិត្យដើម្បីកាត់បន្ថយការពឹងផ្អែកលើថាមពលអគ្គិសនី។ លោកបានថ្លែងបែបនេះ នាសិក្ខាសាលាពិគ្រោះយោបល់ថ្នាក់ជាតិស្តីពីគោលការណ៍ណែនាំសាលាមេត្រីបរិស្ថាននៅកម្ពុជា ដែលរៀបចំនៅទីស្តីការក្រសួង នាព្រឹកថ្ងៃទី២៤ ខែមីនា។
លោករដ្ឋមន្ត្រី បានគូសបញ្ជាក់ថា ការដាក់ឲ្យដំណើរការថាមពលព្រះអាទិត្យនៅតាមសាលារៀន កំពុងមានការពេញនិយមយ៉ាងខ្លាំងនៅតំបន់អឺរ៉ុប ហើយកម្ពុជាក៏អាចធ្វើបានដូចគ្នាផងដែរ។ លោកសាយ សំអាល់ បានអះអាង លោកនឹងពិភាក្សាជាមួយរដ្ឋមន្ត្រីក្រសួងអប់រំ យុវជន និងកីឡា រួមទាំងភាគីពាក់ព័ន្ធ នៅពេលទទួលបានការស្នើសុំគោលការណ៍ពីបណ្តាសាលារៀននានា៕
Tag:
បរិស្ថាន
សាយ សំអាល់
ថាមពលពន្លឺព្រះអាទិត្យ
© រក្សាសិទ្ធិដោយ thmeythmey.com