ពីនេះ ពីនោះ
× និពន្ធដោយប៉ាកកាខ្មៅ
កំណាព្យ បទ កាកគតិ
-អឺរ៉ុបហាក់យ៉ាប់ ងាកទៅអារ៉ាប់ ឮស្នូរកាំភ្លើង
ផ្ទុះលិចផ្ទុះកើត ផើតសក់កន្ទ្រើង អាហ្វ្រ៊ិកត្បូងជើង
អត់ឃ្លានហើយឈឺ។
-រឿងឈ្លោះប្រកែក សង្គ្រាមបំបែក សម្រែកចាប់ឈឺ
ភ្នំឆ្អឹងស្ទឹងឈាម ស្តាប់ភ្លាមគួរព្រឺ ស្លាប់ដោយជំងឺ
ឥតមានស្រាកស្រាន្ត។
-MERS ,SARS, Zika ឆ្លងអេដស៍/ស៊ីដា ភ្លេចខ្លួនមិនបាន
មានផ្តាសាយជ្រូក គ្រុនលឿងរំខាន មានខ្លះក្ស័យប្រាណ
ព្រោះចំណាកស្រុក។
-ប្រជែងអាវុធ អួតអាងប្រយុទ្ធ ដោយមីស៊ីលស្តុក
ស្រុកខ្លះអាងធំ ជូបជុំក្រឡុក បង្កស្មាញស្មុគ
ស្រុកតូចក្រីក្រ។
-ធៀបរឿងសកល ពេលគិតឲ្យដល់ ឃើញស្រុកយើងល្អ
ខ្មែរទាំងប្រុសស្រី គួរប្រឹងបន្ត រឿងល្អក់កករ
រួមគិតដោះស្រាយ៕
© រក្សាសិទ្ធិដោយ thmeythmey.com