កីឡាជាតិ
ជាតិ
អត្តពលិក៤១៧នាក់ ក្នុង២៦ប្រភេទកីឡាប្រមូលផ្តុំជម្រើសជាតិ ដើម្បីប្រកួតក្នុងព្រឹត្តិការណ៍ធំៗ
× កីឡាករកីឡាការិនី គ្រូបង្វឹក និងអភិរក្ស ចំនួន៤១៧នាក់ ក្នុង២៦ប្រភេទកីឡាត្រូវបានក្រសួងអប់រំយុវជន និងកីឡា បានបញ្ចេញឈ្មោះសម្រាប់ធ្វើការប្រមូលផ្តុំ្កក្រុមជម្រើសជាតិ ដើម្បីហ្វឹកហ្វឺនបំប៉នសមត្ថភាព និងបច្ចេកទេស រយៈពេល ៦ខែ ចាប់ពីថ្ងៃទី១ ខែមេសា ដល់ថ្ងៃទី៣០ ខែកញ្ញា ដើម្បីត្រៀមប្រកួតក្នុងព្រឹតិ្តការណ៍ធំៗចំនួន៣ និងការប្រកួតអន្តរជាតិផ្សេងៗ។
កីឡាករកីឡាការិនី គ្រូបង្វឹក និងអភិរក្ស ចំនួន៤១៧នាក់ក្នុង២៦ប្រភេទកីឡា នឹងធ្វើកាប្រមូលផ្តុំក្រុមជម្រើសជាតិ ដើម្បីហ្វឹកហ្វឺនបង្កើនសមត្ថភាព និងបច្ចេកទេសសម្រាប់ត្រៀមប្រកួតក្នុងព្រឹត្តិការណ៍ការប្រកួតកីឡា សាកលវិទ្យាល័យអាស៊ីអាគ្នេយ៍លើកទី១៨ នៅប្រទេសសិង្ហបុរី, ព្រឹត្តិការណ៍កីឡាអូឡាំពិក នៅទីក្រុងរីយ៉ូ ប្រទេសប្រេស៊ីល និងព្រឹត្តិការណ៍កីឡាអាស៊ីហ្គេមតំបន់ឆ្នេរខ្សាច់លើកទី៥ នៅទីក្រុងដាណាង ប្រទេសវៀតណាម និងការប្រកួតអន្តរជាតិផ្សេងៗ។
កីឡាទាំង២៦ប្រភេទដែលនឹងធ្វើការប្រមូលផ្តុំរួមមាន៖ កីឡាចំបាប់, ល្បុក្កតោ, ហែលទឹក, ទ្រីយ៉ាត្លុង, បាល់បោះ, វាយកូនឃ្លីលើតុ, វាយសី, តេក្វាន់ដូ W.T.F, តេក្វាន់ដូ I.T.F, វាយកូនបាល់, ប្រណាំងទូកប្រពៃណី, បាល់ទាត់ U-23, អត្តពលកម្ម, កាយសម្ព័ន្ធ, ប្រណាំងទោចក្រយាន, គុនដាវ, ការ៉ាតេដូ, វ៉ូវីណាម, សូរិនហ្ស៉ិកាំប៉ូ, ប៉េតង់, វូស៊ូ, យូដូ, បាលទះ, សីប៉ាក់តាក្រ, ប្រដាល់ និងសូហ្វតិនីស។ នេះបើយោងតាមលិខិតឧទ្ទេសនាមរបស់ក្រសួងអប់រំ យុវជន និងកីឡា កាលពីថ្ងៃទី២៣ ខែមីនា។
គួរបញ្ជាក់ថា កីឡាករកីឡាការិនី គ្រូបង្វឹក និងអភិរក្សទាំងនេះ នឹងធ្វើការប្រមូលផ្តុំ និងហ្វឹកហាត់ នៃមជ្ឈមណ្ឌលហ្វឹកហ្វឺន ដើម្បីពង្រឹងសមត្ថភាព និងបច្ចេកទេស រយៈពេល៦ខែ ចាប់ពីថ្ងៃទី១ ខែមេសា ដល់ថ្ងៃទី៣០ ខែកញ្ញា ដើម្បីត្រៀមប្រកួតព្រឹត្តិការណ៍អន្តរជាតិសំខាន់ៗចំនួន៣ និងព្រឹត្តិការណ៍អន្តរជាតិនានា៕
Tag:
ប្រមូលផ្តុំជម្រើសជាតិ
© រក្សាសិទ្ធិដោយ thmeythmey.com