ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
កីឡាករកីឡាការិនីវាយសី ៨រូប ទទូលបានប្រាក់រង្វាន់លើកទឹកចិត្តពីសហព័ន្ធ
29, Mar 2016 ,
8:39 pm
រូបភាព
×
ដោយ:
សហព័ន្ធកីឡាវាយសីកម្ពុជា កាលពីថ្ងៃទី២៨ ខែមីនា ម្សិលមិញ នៅទីស្នាក់ការគណៈកម្មាធិការជាតិអូឡាំពិកម្ពុជា (NOCC) បានរៀបចំកម្មវិធីប្រគល់ប្រាក់រង្វាន់លើកទឹកចិត្ត ដល់កីឡាករ កីឡាការិនី ចំនួន៨នាក់ ដែលដណ្តើមបានមេដាយពីការប្រកួតក្នុងព្រឹត្តិការណ៍ Mekong Goodwill Games លើកទី១២ នៅខេត្តឈៀងរ៉ៃ ប្រទេសថៃ។
កីឡាករកីឡាការិនីវាយសី ផ្នែកវាយទោលបុរស វាយគូបុរស វាយទោលនារី វាយគូនារី និងវាយគូបុរសនារីចំនួន៨រូប ដែលដណ្តើមបានមេដាយពីការប្រកួតក្នុងព្រឹត្តិការណ៍ Mekong Goodwill Games លើកទី១២ នៅខេត្តឈៀងរ៉ៃ ប្រទេសថៃ ទទួលបានប្រាក់រង្វាន់លើកទឹកចិត្តពីសហព័ន្ធកីឡាវាយសីកម្ពុជា កាលពីម្សិលមិញនេះ នៅទីស្នាក់ការ NOCC។ ក្នុងនោះមេដាយមាសវាយទោល បុរស-នារី ទទួលបាន ១,៥លានរៀល មេដាយមាសវាយគូ បុរស-នារី ទទួលបាន ២លានរៀល និងមេដាយប្រាក់វាយគូ បុរស-នារី ទទួលបាន១,៦លានរៀល។ ជាមួយគ្នានេះ គ្រូបង្វឹក ប្រធានគណៈប្រតិភូ ទទួលបានប្រាក់រង្វាន់លើកទឹកចិត្តម្នាក់ ៥០ម៉ឺនរៀលផងដែរ។
សម្រាប់ការទទួលបានមេដាយមាស៤ និងប្រាក់១ ពីការប្រកួតក្នុងព្រឹត្តិការណ៍ Mekong Goodwill Games លើកទី១២ នៅខេត្តឈៀងរ៉ៃ ប្រទេសថៃ នេះ ត្រូវបាន លោក លី កុសល ប្រធានសហព័ន្ធកីឡាវាយសីកម្ពុជាចាត់ទុកថា វាលើកទីមួយហើយក្នុងប្រវត្តិសាស្ត្រសម្រាប់ការចេញទៅប្រកួតជាលក្ខណៈអន្តរជាតិរបស់សហព័ន្ធកីឡាវាយសីកម្ពុជា ព្រោះសហព័ន្ធកីឡាវាយសីកម្ពុជាធ្លាប់បានបញ្ជូនកីឡាករកីឡាការិនីទៅចូលរួមប្រកួតជាច្រើនលើករួចមកហើយ ប៉ុន្តែមិនធ្លាប់ទទួលលទ្ធផលបែបនេះឡើយ។
លោកបានបញ្ជាក់ថា៖«ក្នុងចំណោមប្រទេសទាំង៥ កម្ពុជា ឡាវ ថៃ មីយ៉ាន់ និងចិន ដែលបានចូលរួមប្រកួតក្នុងព្រឹត្តិការណ៍ Mekong Goodwill Games នៅប្រទេសថៃ មានតែប្រទេសកម្ពុជាមួយប៉ុណ្ណោះ ដែលទទួលបានមេដាយមាសច្រើនជាងគេ ជាពិសេសកីឡាវាយសីនេះតែម្តង»។
គួរបញ្ជាក់ថា សម្រាប់ការប្រកួតក្នុងព្រឹត្តិការណ៍ Mekong Goodwill Games លើកទី១២ នៅខេត្តឈៀងរ៉ៃ ប្រទេសថៃ គណៈប្រតិភូរបស់សហព័ន្ធកីឡាវាយសីកម្ពុជា បានដឹកនាំកីឡាករកីឡាការិនីវាយសីកម្ពុជា ចំនួន៨រូបចូលរួមប្រកួត និងដណ្តើមបានមេដាយគ្រប់ៗគ្នាផងដែរ។ ក្នុងនោះកីឡាករ ទេព ចាន់ម៉ារ៉ា ឈ្នះមេដាយមាស លើវិញ្ញាសាវាយទោលបុរស បន្ទាប់ពីយកឈ្នះម្ចាស់ផ្ទះថៃ ឬឯកីឡាករ ចេង ភារុំ និង វ៉ាន់ សៅមុន្នី ឈ្នះមេដាយមាស លើវិញ្ញាសាវាយគូបុរស បន្ទាប់ពីឈ្នះម្ចាស់ផ្ទះថៃ ផងដែរ។
ដោយឡែក វិញ្ញាសាវាយទោលនារី កីឡាការិនី កែវ ពេជ្រឆរ៉ាវី ទទួលបានមេដាយមាស បន្ទាប់ពីយកឈ្នះ ឡាវ នៅវគ្គផ្តាច់ព្រ័ត្រ ចំណែកកីឡាការិនី លឹម គឹមហួយ និង ឈួន ឆ័យរី ទទួលបានមេដាយប្រាក់លើវិញ្ញាសាវាយគូនារី បន្ទាប់ពីចាញ់ថៃ ឬឯវិញ្ញាសាវាយគូបុរស-នារី កម្ពុជាទទួលបានមេដាយមាស ដែលសម្រេចដោយកីឡាករ យ៉ាន កុសល និងកីឡាការិនី អ៊ុង វល័ក្ខទេវី បន្ទាប់ពីឈ្នះចិន។ កីឡាករកីឡាការិនីទាំងនេះត្រូវបានសហព័ន្ធកីឡាវាយសីកម្ពុជារៀបចំកម្មវិធីប្រគលប្រាក់រង្វាន់លើកទឹកចិត្ត កាលពីថ្ងៃទី២៨ ខែមីនា នៅទីស្នាក់ការ NOCC ក្រោមវត្តមាន លោក លី កុសល ប្រធានសហព័ន្ធ និងលោក មាស សារិន អនុប្រធានសហព័ន្ធកីឡាវាយសីកម្ពុជា៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
វាយសី
Mekong Goodwill Games
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
9 ម៉ោង
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
1 សប្តាហ៍
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
2 ថ្ងៃ
តើពាក្យងារជា «សម្តេច» មានន័យដូចម្តេច?
4 ថ្ងៃ
រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា
3 ថ្ងៃ
អត្ថបទពេញនិយមបន្ថែម