កីឡាជាតិ
ជាតិ
យុវជនថ្នាល U-16 កម្ពុជាចាញ់ U-18 Kamatamare Sanuki ៤-១
×
ក្រុមយុវជនសាលាកីឡាបាល់ទាត់ជាតិអាយុក្រោម១៦ឆ្នាំក្រោមការដឹកនាំរបស់គ្រូបង្វឹកជប៉ុន Kazunori Inoue បានប្រកួតចាញ់ក្រុម U-18 Kamatamare Sanuki FC ៤-១ នាជំនួបលើកទីពីរនៃពានរង្វាន់ J-League U16 Challenge League ឆ្នាំ២០១៦ នាព្រឹកថ្ងៃព្រហស្បតិ៍នេះ ពោលគឺមួយថ្ងៃបន្ទាប់ពីពួកគេបានទទួលជ័យជម្នះ ២-០ លើក្រុម U-18 Kagoshima United។
សម្រាប់ការប្រកួតលើកទីពីរក្នុងវគ្គជម្រុះតាមពូលនៃពានរង្វាន់ J-League U16 Challenge League នៅកីឡដ្ឋាន Global Arena ក្នុងទីក្រុង Fukuoka ក្រុមយុវជនសាលាកីឡាបាល់ទាត់ជាតិអាយុក្រោម១៦ឆ្នាំរបស់កម្ពុជា បានចាញ់ U-18 Kamatamare Sanuki FC ៤-១ ដោយគ្រាប់បាល់បញ្ចូលទីតែមួយគ្រាប់របស់កម្ពុជាសម្រេចបានដោយ សៀង ចាន់ធា នៅក្នុងនាទី ទី៤៧ ។
ចំណែកប្រកួតបន្ទាប់ នៅវេលាម៉ោង២:៣០ នាទីរសៀល ត្រូវនឹងម៉ោង១២:៣០ នាទីថ្ងៃត្រង់នៅកម្ពុជា ក្រុម U-16 កម្ពុជា ត្រូវបន្តជួបក្រុម PVF របស់វៀតណាម លើទីលានជាមួយគ្នាផងដែរ។ រហូតដល់ថ្ងៃទី១ ខែមេសា ក្រុម U-16កម្ពុជា ត្រូវបន្តជួបក្រុម Roasso Kumamoto FC របស់ជប៉ុន នៅវេលាម៉ោង១០:៣០ នាទីព្រឹក (ម៉ោង៨:៣០ នាទីព្រឹកនៅកម្ពុជា) ហើយនៅវេលាម៉ោង ២:៣០ នាទីរសៀល (ត្រូវនឹងម៉ោង១២:៣០ នាទីថ្ងៃត្រង់នៅកម្ពុជា) ត្រូវប្រកួតចុងក្រោយជាមួយក្រុមជប៉ុនមួយទៀតគឺក្រុម Avispa Fukuoka FC៕
© រក្សាសិទ្ធិដោយ thmeythmey.com