ព្រះខ័នរាជស្វាយរៀងស្វាគមន៍ណាហ្គាវើលល្ងាចនេះ

កីឡាជាតិ

ជាតិ

ព្រះខ័នរាជស្វាយរៀងស្វាគមន៍ណាហ្គាវើលល្ងាចនេះ

01, Apr 2016 , 1:42 pm

រូបភាព

សុក សំណាង ខ្សែប្រយុទ្ធរបស់ព្រះខ័នរាជស្វាយរៀង

ដោយ: ថ្មីៗ

ក្រោយសម្រាកជិតមួយខែ ក្របខណ្ឌមិត្តហ្វូនខេមបូឌានលីកឆ្នាំ២០១៦ បន្តបើកការប្រកួតសប្តាហ៍ទី៤របស់ខ្លួននាល្ងាចម៉ោង៦ ថ្ងៃទី១ ខែមេសា នេះ ដោយម្ចាស់ផ្ទះព្រះខ័នរាជស្វាយរៀង បើកកីឡដ្ឋានរបស់ខ្លួន ទទួលភ្ញៀវណាហ្គាវើល។

ស្វាយរៀងនឹងប្រឹងរក្សាកំណត់ត្រាមិនស្គាល់ចាញ់របស់ខ្លួន ហើយការទទួលបាន៣ពិន្ទុបន្ថែមនឹងនាំឲ្យពួកគេឡើងឈរលើកំពូលតារាងបណ្តោះអាសន្ន ខណៈណាហ្គាវើលក៏រំពឹងបង្ហាញភាពខ្លាំងរបស់ខ្លួនផងដែរ បន្ទាប់ពីពួកគេយកឈ្នះភ្នំពេញក្រោន ២-១ កាលពីសប្តាហ៍ទីបី។

បច្ចុប្បន្នព្រះខ័នរាជស្វាយរៀង ស្ថិតនៅចំណាត់ថ្នាក់លេខ៣ដោយមាន៧ពិន្ទុ ខណៈក្រុមលេខមួយបឹងកេងអង្គរ និងក្រសួងការពារជាតិ មាន៩ពិន្ទុ។ ណាហ្គាវើល ស្ថិតនៅលេខ៥ ដោយមាន៤ពិន្ទុស្មើក្រុមលេខ៤ ភ្នំពេញក្រោន។ ជំនួបចុងក្រោយកាលពីរដូវកាលមុន ស្វាយរៀងបានយកឈ្នះណាហ្គាវើល ៤-២ ៕