ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
អ្នកអាជីពពាក់ព័ន្ធកីឡា៣៤០០នាក់នឹងបរិភោគអាហារពេលល្ងាចជាមួយនាយករដ្ឋមន្ត្រី
01, Apr 2016 ,
3:12 pm
រូបភាព
×
ដោយ:
កីឡាករ កីឡាការិនី គ្រូបង្វឹក ថ្នាក់ដឹកនាំកីឡា នៅតាមបណ្តាក្លិប ស្ថាប័ន និងសហព័ន្ធកីឡាជាតិនានា នៅក្នុងព្រះរាជាណាចក្រកម្ពុជា ប្រមាណជា ៣,៤០០នាក់ នឹងចូលរួមពិសារភោជនាហារជាលក្ខណៈមហាគ្រួសារកីឡាខ្មែរ ក្នុងពិធីដែលរៀបចំដោយសម្តេចនាយករដ្ឋមន្ត្រី ហ៊ុន សែន នាថ្ងៃទី៤ ខែមេសា ឆ្នាំ២០១៦ មជ្ឈមណ្ឌលពិព័រណ៍កោះពេជ្រ។ នាឱកាសនោះក៏មានការជូនបាច់ផ្កាដោយក្រុមកីឡាករពិកាឆ្នើម ព្រឹទ្ធាចារ្យកីឡា កីឡាករឆ្នើម យុវជនថ្នាល និងក្រុម Cambodia All Stars ដល់សម្តេច ហ៊ុន សែន ផងដែរ ដើម្បីអបអរថ្ងៃខួបកំណើត។
លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានមានប្រសាសន៍ថា ក្រុមកីឡាករពិកាឆ្នើម កីឡាករឆ្នើម ព្រឹទ្ធាចារ្យកីឡា យុវជនថ្នាល និងក្រុមបាល់បាត់ Cambodia All Stars នឹងឡើងជូនបាច់ផ្កាសម្តេចនាយករដ្ឋមន្ត្រី ហ៊ុន សែន ដើម្បីជូនពរថ្ងៃកំណើតរបស់សម្តេច ក៏ដូចជាអបអរក្នុងថ្ងៃប្រវត្តិសាស្ត្រដែលមិនធ្លាប់មាននៅកម្ពុជា នាពិធីពិសារភោជនាហារជាលក្ខណៈមហាគ្រួសារកីឡាខ្មែរជាមួយសម្តេច ហ៊ុន សែន នាថ្ងៃទី៤ ខែមេសា នៅមជ្ឈមណ្ឌលពិព័រណ៍កោះពេជ្រ។
លោកបានបញ្ជាក់ថា កម្មវិធីទទួលទានភោជនាហារនេះដែរមានកីឡាករកីឡាការិនី និងថ្នាក់ដឹកនាំកីឡាចូលរួមប្រមាណជា ៣,៤០០នាក់ ហើយក្នុងចំណោមកីឡាករកីឡាការិនីដែលចូលរួមទាំងនោះសុទ្ធសឹងតែជាកីឡាករជំនាញ និងជាកីឡាករដែលមានឈ្មោះក្នុងការប្រកួតជើងឯកផ្សេងៗ ក្រុមកីឡាករដែលចូលរួមទាំងនោះត្រូវបានកម្រិតប្រភេទអាយុ គឺ អាយុក្រោម១៣ ក្រោយ១៧ឆ្នាំ និងអាយុ២៣ឆ្នាំឡើង។ កីឡាករកីឡាការិនីទាំងនេះមកពីសហព័ន្ធជាតិអូឡាំពិក និងមិនអូឡាំពិកចំនួន៤៧សហព័ន្ធ។
ពាក់ព័ន្ធទៅនឹងគោលបំណងនៃកម្មវិធីនេះ ត្រូវបាន លោក វ៉ាត់ ចំរើន រៀបរាប់ថា៖«ការជួបជុំនេះ ជានិមិត្តរូបបញ្ជាក់ពីការចាប់ផ្តើមការសំណេះសំណាល និងការដាក់គោលដៅធ្វើជាម្ចាស់ផ្ទះស៊ីហ្គេម ឆ្នាំ២០២៣ នេះជាគោលដៅសំខាន់ក្នុងការជួបជុំនេះ។ នាឱកាសនោះយើងនឹងស្តាប់ប្រសាសន៍ណែនាំរបស់សម្តេចតេជោនាយករដ្ឋមន្ត្រី ថាតើយើងត្រូវត្រៀមលក្ខណៈបែបណា ដើម្បីទទួលបានជោគជ័យក្នុងការធ្វើជាម្ចាស់ផ្ទះ»។ លើសពីនោះ វាជាការលើកទឹកចិត្តដល់អត្តពលិកទាំងអស់ ដែលបានជួយឲ្យប្រទេសកម្ពុជាមានកេរិ៍ឈ្មោះល្បីល្បាញក្នុងរយៈពេលដ៏ខ្លីទាំងនៅលើឆាកជាតិ និងអន្តរជាតិ។
ទន្ទឹមនឹងនេះ លោកអគ្គលេខាធិការរូបនេះ បានចាត់ទុកការរៀបចំកម្មវិធីនេះថា ជាកម្មវិធីមួយដ៏អស្ចារ្យដែលមិនធ្លាប់មានសោះនៅក្នុងប្រវត្តិសាស្ត្រជាតិរបស់កម្ពុជា ដែលថ្នាក់ដឹកនាំប្រទេសផ្តល់កិត្តិយស ក៏ដូចជារៀបចំឲ្យមានឲ្យមានការជួបជុំជាលក្ខណៈគ្រួសារកីឡាដូច្នេះ។
នាពិធីជួបសំណេះសំណាល និងផ្តល់ឱវាទ លោក ថោង ខុន រដ្ឋមន្ត្រីក្រសួងទេសចរណ៍បានចាត់ទុកថា ការរៀបចំកម្មវិធីការជួបជុំលក្ខណៈមហាគ្រួសារកីឡានេះ ជាមហាកិតិយសបំផុតសម្រាប់វិស័យកីឡាកម្ពុជា។ លោកបញ្ជាក់ថា៖«កម្មវិធីនេះជាកម្មវិធីមួយដែលយើងគិតថា អាចកត់ត្រាជាប្រវត្តិសាស្ត្របានព្រោះបើតាមការស្រាវជ្រាវមិនដែលមានថ្នាក់ដឹកនាំណាផ្តល់កិត្តិយសជួបជុំសំណេះសំណាល និងពិសារភោជនាហារជាមួយកីឡាករ កីឡាការិនី ថ្នាក់ដឹកនាំកីឡា និងព្រឹទ្ធាចារ្យកីឡានោះទេ នេះជាមហាកិត្តិយសបំផុតសម្រាប់វិស័យកីឡារបស់យើង ជាពិសេសសម្រាប់កីឡាករកីឡាការិនី»។
ជាមួយគ្នានេះ លោក វ៉ាត់ ចំរើន មានប្រសាសន៍បន្ថែមថា ដើម្បីរក្សាសណ្តាប់ធ្នាប់ និងរបៀបរៀបរយល្អ គណៈកម្មាធិការជាតិអូឡាំពិកកម្ពុជា បានត្រៀមរថយន្តក្រុងចំនួន៤០គ្រឿង ដើម្បីដឹកក្រុមកីឡាករកីឡាការិនី ថ្នាក់ដឹកនាំកីឡាទាំងអស់ទៅចូលរួមកម្មវិធីទទួលទានភោជនាហារក្នុងកម្មវិធីនោះ។ ហើយសម្រាប់ការដឹកជញ្ជូននេះដែរ លោក បានបែងចែកជាពីរដំណាក់កាល ដោយដំណាក់កាលទី១ចេញដំណើរនៅម៉ោង២:៣០នាទីរសៀល និងដំណាក់កាលទី២ចេញដំណើរនៅម៉ោង៣រសៀល។
ក្រៅពីថ្នាក់ដឹកនាំកីឡា សហព័ន្ធ គ្រូបង្វឹក អត្តពលិក អាជ្ញាកណ្តាល សមាសភាពផ្សេងទៀតដែលត្រូវចូលរួមបរិភោគអាហារជាមួយនាយករដ្ឋមន្ត្រីរួមមាន មន្ត្រីរបស់គណៈកម្មាធិការជាតិអូឡាំពិកកម្ពុជា កីឡាប៉ារ៉ាអូឡាំពិក ប៉េស្យាអូឡាំពិក ក្រុមអ្នកសារព័ត៌មានកីឡា កីឡានគរបាលជាតិ កីឡាកងទ័ព ព្រឹទ្ធាចារ្យកីឡា អគ្គនាយកកីឡា អគ្គនាយកគ្រប់គ្រងកីឡា និងអង្គការមិត្តសំឡាញ់៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ហ៊ុន សែន
វ៉ាត់ ចំរើន
ពិសារភោជនាហារ
© រក្សាសិទ្ធិដោយ thmeythmey.com
អត្ថបទពេញនិយម
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
3 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
3 ថ្ងៃ
ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ
4 ថ្ងៃ
«នាំអាត» និង«នាំអាទិ៍»មួយណាត្រឹមត្រូវ?
7 ថ្ងៃ
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
23 ម៉ោង
អត្ថបទពេញនិយមបន្ថែម