ជាតិ
យុវជន ៤០០នាក់នឹងជជែកពិភាក្សាពី «ពរជ័យកំណប់ធនធាន» នៅថ្ងៃស្អែក
× ក្រុមយុវជនមកពីសាកលវិទ្យាល័យផ្សេងគ្នាប្រមាណ៤០០នាក់ នឹងជជែកពិភាក្សាគ្នានៅក្នុងវេទិកាយុវជនស្តីពី «ពរជ័យកំណប់ធនធាន» នៅថ្ងៃទី៣ មេសាស្អែកនេះ។ វេទិកាយុវជនដែលផ្តល់ឱកាសឲ្យយុវជនស្វែងយល់ពីវិស័យប្រេងកាត ឧស្ម័ន និងរ៉ែនៅកម្ពុជានេះ នឹងធ្វើឡើងនៅវិទ្យាស្ថានជាតិអប់រំ (NIE) ។
វេទិកាយុវជនស្តីពី «ពរជ័យកំណប់ធនធាន» រៀបំដោយអង្គការកម្មវិធីអភិវឌ្ឍន៍ធនធានយុវជន (YRDP) និងយុវជនស្ម័គ្រចិត្តនៃអង្គការនេះ នឹងផ្តល់ឱកាសឲ្យយុវជនទទួលបានចំណេះដឹងពីការវិវត្តន៍នៃវិស័យប្រេងកាត ឧស្ម័ន និងរ៉ែនៅកម្ពុជា ព្រមទាំងយន្តការ និងយុទ្ធសាស្ត្រនានាក្នុងការគ្រប់គ្រងចំណូលពីវិស័យនេះប្រកបដោយ តម្លាភាព និងប្រសិទ្ធិភាព។
នៅក្នុងវេទិកាយុវជន ដែលនឹងប្រព្រឹត្តនៅថ្ងៃទី៣ មេសា នៅវិទ្យាស្ថានជាតិអប់រំ (NIE) ព្រឹកស្អែកនេះ នឹងមានវាគ្មិនបីរូបចូលរួម រួមមាន លោកបណ្ឌិត នាង ស៊ីវុត្ថា ប្រធាននៃនាយកដ្ឋានគ្រប់គ្រងគម្រោងសប្បទានប្រេងកាត នៃអគ្គនាយកដ្ឋានប្រេងនៃក្រសួងរ៉ែ និងថាមពល, អ្នកស្រី គីម ណាតាសា នាយិកាប្រតិបត្តិនៃសម្ព័ន្ធភាពកម្ពុជាដើម្បីតម្លាភាពចំណូលធនធាន (CRRT) និងលោក គង់ ស៊ីថា អនុប្រធាននាយកដ្ឋានរ៉ែសំណង់នៃអគ្គនាយកដ្ឋានធនធានរ៉ែ នៃក្រសួងរ៉ែ និងថាមពល៕
© រក្សាសិទ្ធិដោយ thmeythmey.com