ពីនេះ ពីនោះ
ផ្ការំយោល អាចធ្វើឲ្យរលូតកូន
×
ផ្ការំយោល គឺជាប្រភេទគុម្ពព្រឹក្ស ឬព្រឹក្សតូចម្យ៉ាង មានកម្ពស់ប្រមាណ ១ ទៅ៨ ម៉ែត្រ។ រុក្ខជាតិប្រភេទនេះ គេមិនដឹងប្រភពពិតថា មានដើមកំណើតនៅប្រទេសណានោះទេ។ ប៉ុន្តែ រុក្ខជាតិនេះ ប្រហែលជានាំចូលពីស្រុកចិន ហើយយកមកដាំនៅទ្វីបអាស៊ី និងទ្វីបក្ដៅមធ្យម នៃអាមេរិក និងអ៊ឺរ៉ុប។
ជាទូទៅ គេដាំដើមរំយោល សម្រាប់ធ្វើជាលម្អ សារុក្ខជាតិនេះ មានផ្កាធំៗ។ ផ្កាធំៗរបស់ រុក្ខជាតិនេះ គឺមានសណ្ឋានដូចជា មានទងលំអងផ្កា ឈ្មោល និងបំពងស្បូនផ្កា តភ្ជាប់ជាសសរ វែងតូចយោងចេញក្រៅមើលពីចម្ងាយ។
សម្រាប់ក្នុងវិស័យឱសថ គ្រូផ្សំថ្នាំឫសឈើ ឬគ្រូផ្សំថ្នាំបុរាណ តែងយកផ្ការបស់ផ្ការំយោល នេះទៅធ្វើថ្នាំបំពោក លើដំបៅដំពក និងបូសទ្រនិច។ ប៉ុន្តែ បើយកផ្ការំយោលលាយជាមួយគ្រាប់ល្ហុង ផ្កានេះអាចធ្វើឲ្យរលូតកូនបាន ពេលគេយកទៅបំពោកលើពោះស្ត្រីមានគភ៌។
[ដកស្រង់ពីសៀវភៅ៖ វចនានុក្រមការប្រើប្រាស់រុក្ខជាតិក្នុងប្រទេសកម្ពុជា]
© រក្សាសិទ្ធិដោយ thmeythmey.com