លោក អង្គ វង្សវឌ្ឍនា៖ ខ្ញុំមិនស្គាល់ក្រុមហ៊ុនហ្នឹងផង! ខ្ញុំឯណាមានលុយដាក់ដូចគេប្រាក់ខែរាប់លាន!

ជាតិ

លោក អង្គ វង្សវឌ្ឍនា៖ ខ្ញុំមិនស្គាល់ក្រុមហ៊ុនហ្នឹងផង! ខ្ញុំឯណាមានលុយដាក់ដូចគេប្រាក់ខែរាប់លាន!

04, Apr 2016 , 4:17 pm

រូបភាព

ដោយ: រំដួល ចិត្រា (Romdoul Chetra)

រដ្ឋមន្ត្រីក្រសួងយុត្តិធម៌ លោក អង្គ វង្ស វឌ្ឍនា បានបដិសេធថា លោកមិនដែលស្គាល់ក្រុមហ៊ុន Mossack Fonseca ទេ ហើយលោកក៏គ្មានភាគហ៊ុននៅក្នុងក្រុមហ៊ុននេះ ដូចជាការផ្សព្វផ្សាយរបស់សមាគមអ្នកសារព័ត៌មានស៊ើបអង្កេតអន្តរជាតិ (ICIJ) ដែលបានចែកចាយជាមួយបណ្តាសារព័ត៌មានអន្តរជាតិទូទាំងពិភពលោក ដែលបង្ហាញថាលោកបានចំណាយលុយទិញភាគហ៊ុនចំនួន ៥ពាន់ ដោយមានតម្លៃ ៥ពាន់ដុល្លារ។ ថ្លែងប្រាប់សារព័ត៌មានថ្មីៗ រដ្ឋមន្ត្រីក្រសួងយុត្តិធម៌រូបនេះ នឹងរៀបចំលិខិតស្នើឲ្យសមាគមអ្នកសារព័ត៌មានស៊ើបអង្កេតអន្តរជាតិ បកស្រាយដោយបង្ហាញភស្តុតាងឲ្យបានច្បាស់លាស់សិន មុននឹងលោកដាក់ពាក្យប្ដឹងសមាគមសារព័ត៌មាននេះ។