ពីនេះ ពីនោះ
ទឹកកែបប្រែពណ៌ សូមប្រយ័ត្ន! រូបថត៖ រដ្ឋបាលខេត្តកែប
×
កំណាព្យបទ ពាក្យ៨
-កែបបរិសុទ្ធដែនសមុទ្រខ្មែរ ឥឡូវស្រាប់តែជូបរឿងសៅហ្មង
ទឹកចាប់ប្រែពណ៌ភ័យញ័រប្អូនបង បង្គាបង្កងក្តាមផងអាចគ្រោះ។
-ខាងបរិស្ថានបានបង្ហាញច្បាស់ កុំលេងផ្តេសផ្តាសទឹកនៅទីនោះ
ក្មេងចាស់ប្រុសស្រីត្រូវប្រយ័ត្នខ្ពស់ គ្រឿងហូបទីនោះក៏អាចគ្រោះដែរ។
-ដឹងរឿងនេះហើយកុំឡើយបំពាន កុំចេះតែហ៊ានបំភាន់បង្វែរ
អ្នកលក់អ្នកទិញទូទាំងស្រុកខ្មែរ មិនគួរព្រោះតែចំណេញភ្លេចគិត។
-ទាំងអ្នកចែកចាយដឹករាយចាត់ចែង គួរចេះគិតក្រែងដល់គ្រោះជីវិត
អ្នកហូបក្មេងចាស់នៅទីឆ្ងាយជិត ដឹងរឿងគ្រោះពិតកុំចែកបន្ត។
-ចប់កាព្យរឿងកែបខ្ញុំសង្ខេបចែក រឿងកាព្យមានប្លែកស្អែកអាចមានត
ការពារជាមុននោះទើបហៅល្អ អ្នកមានអ្នកក្រធ្វើបានដូចគ្នា ៕
© រក្សាសិទ្ធិដោយ thmeythmey.com