ជាតិ
នយោបាយជាតិ
ឆ្នាំ ២០១៣ CPP ត្រូវមួយកំផ្លៀង ហើយបើត្រូវមួយកំផ្លៀងទៀតនឹងស្លាប់
×
សមាជិកគណៈកម្មាធិការអចិន្ត្រៃយ៍គណបក្សប្រជាជនកម្ពុជា លោក ប៊ិន ឈិន បានស្នើឲ្យមន្ត្រីគណបក្សប្រជាជនកម្ពុជា ខំប្រឹងកែប្រែ ដើម្បីទទួលបានសំឡេងគាំទ្រពីប្រជាពលរដ្ឋខ្លាំងឡើងវិញ ជាងឆ្នាំ ២០១៣ កន្លងទៅ។ លោក ប៊ិន ឈិន បានលើកយកប្រសាសន៍របស់សម្តេចនាយករដ្ឋមន្ត្រី មកប្រាប់មន្ត្រីដែលបានចូលរួមពិធីផ្ទេរតំណែងលោក ស៊ុន ចាន់ថុល មកកាន់តួនាទីជារដ្ឋមន្ត្រីក្រសួងសាធារណការ និងដឹកជញ្ជូន កាលពីរសៀលថ្ងៃទី ០៦ ខែមេសាថា គណបក្សប្រជាជនកម្ពុជា ត្រូវមួយកំផ្លៀងដោយទទួលបានសំឡេងគាំទ្រតែ ៦៨ កៅអី កាលពីឆ្នាំ ២០១៣ ហើយនៅពេលបោះឆ្នោតខាងមុខ បើគណបក្សនេះ ត្រូវតែមួយកំផ្លៀងទៀត គឺបានតែ ៦០ ឬ ៦១ កៅអី គណបក្សនេះ នឹងស្លាប់។
លោកឧបនាយករដ្ឋមន្ត្រីប្រចាំការ មានជំនឿថា ប្រសិនបើមន្ត្រីគណបក្សប្រជាជនកម្ពុជា កែប្រែ និងធ្វើល្អបាន នឹងមិនទទួលបានលទ្ធផលដូចឆ្នាំ ២០១៣ នោះទេ។
សូមស្តាប់សំឡេងលោក ប៊ិន ឈិន ខាងក្រោម៖
© រក្សាសិទ្ធិដោយ thmeythmey.com