អន្តរជាតិ
×![]()
ដោយ: តន ចាន់រិទ្ធារ៉ា
ការបែកធ្លាយឯកសារ Panama Papers កំពុងតែធ្វើឲ្យពិភពលោករញ្ជួយយ៉ាងខ្លាំង ដោយសារជាប់ពាក់ព័ន្ធនឹងមេដឹកនាំប្រទេស អ្នកនយោបាយ តារាល្បី និងកីឡាករលំដាប់ពិភពលោកជាច្រើនទៀត។ នៅទ្វីបអឺរ៉ុបឯណោះវិញ ក៏មានមេដឹកនាំប្រទេសមួយចំនួនកំពុងតែក្រពុលមុខខ្លាំងនឹងបញ្ហាបែកធ្លាយនេះដែរ។ នាយករដ្ឋមន្ត្រីអ៊ីស្លង់ បានលាលែងពីតំណែង ដើម្បីចៀសផុតការរិះគន់ តែពលរដ្ឋនៅតែទាមទារឲ្យបោះឆ្នោតជាបន្ទាន់។ ចំណែកនាយករដ្ឋមន្ត្រីអង់គ្លេស ដេវីដ ខេមេរ៉ូន ក៏សារភាពថា ធ្លាប់ទទួលផលប្រយោជន៍ពីភាគហ៊ុនរបស់ក្រុមហ៊ុនមួយរបស់ឪពុកលោកផងដែរ។
ឯកសារចំនួន១១.៥លានច្បាប់របស់ក្រុមហ៊ុនមេធាវីប៉ាណាម៉ា Mossack Fonseca កំពុងតែទាញចំណាប់អារម្មណ៍យ៉ាងខ្លាំង ព្រោះវាបានបង្ហាញពីវិធីលាងលុយ និងលាក់លុយទាំងនោះដើម្បីចៀសផុតពីការបង់ពន្ធតាមច្បាប់។ ប្រទេសជាច្រើនក៏បើកការស៊ើបអង្កេតដើម្បីស្វែងការការពិតនៅពីក្រោយការបែកធ្លាយនេះ។ ព្រមជាមួយគ្នា មានមេដឹកនាំមួយចំនួនហើយ ដែលរងគ្រោះដោយសារឯកសារលេចធ្លាយនេះ។
ដោយឡែកនៅទ្វីបអឺរ៉ុបវិញ គេសង្កេតឃើញមានមេដឹកនាំចំនួនក៏ស្ថិតក្នុងបញ្ជីរបស់ក្រុមហ៊ុន Mossack Fonseca ដែរ។ បុគ្គលទាំងនោះរាប់ទាំងខ្សែរាជវង្ស ប្រមុខរដ្ឋាភិបាល សាច់ញាតិថ្នាក់ដឹកនាំជាដើម។ មេដឹកនាំមួយចំនួនទៀតក៏កំពុងរងសម្ពាធខ្លាំងពីពលរដ្ឋរបស់ខ្លួនដូចជានាយករដ្ឋមន្ត្រីអង់គ្លេសលោក ដេវីដ ខេមេរ៉ូន ហើយខ្លះទៀតក៏លាលែងពីតំណែងរួចហើយដែរ។
១. ចុងក្រោយលោកនាយករដ្ឋមន្ត្រី ដេវីដ ខេមេរ៉ូន បានសារភាព
បន្ទាប់ពីរងសម្ពាធប៉ុន្មានថ្ងៃដោយសារការបែកធ្លាយ Panama Papers នាយករដ្ឋមន្ត្រីអង់គ្លេសលោក ដេវីដ ខេមេរ៉ូន បានសារភាពថា លោកទទួលបានផលប្រយោជន៍ពីក្រុមហ៊ុនមួយ ដែលបង្កើតដោយឪពុករបស់លោក។ នៅថ្ងៃទី៧ ខែមេសា លោក ខេមេរ៉ូននិយាយថា លោកមានហ៊ុននៅក្នុងក្រុមហ៊ុន Baltimore តែលោកបានលក់វិញនៅឆ្នាំ២០១០ គឺបួនខែមុនលោកឡើងធ្វើជានាយករដ្ឋមន្ត្រី។
ក្រោយមានការបង្ហាញពីលុយរបស់ឪពុកលោកនៅបរទេសនោះ លោក ខេមេរ៉ូន បានចេញមុខប្រកាសថា ទាំងលោក ភរិយា និងកូនលោកផ្ទាល់មិនដែលបានទទួលប្រយោជន៍អ្វីពីទ្រព្យសម្បត្តិរបស់ឪពុកលោកដែលនៅបរទេសឡើយ។ ហើយទ្រព្យសម្បត្តិរបស់លោកមានបច្ចុប្បន្នមានប្រាក់ខែរបស់លោកផ្ទាល់ផង លុយលោកសន្សំខ្លះ ហើយក្រៅពីនោះមានផ្ទះមួយខ្នងប៉ុណ្ណោះ។ លោកសង្កត់ធ្ងន់ថា លោកពិតជាគ្មានភាគហ៊ុន និងគ្មានលុយលាក់នៅបរទេសឡើយ។
យ៉ាងណាក្ដី ចុងក្រោយនេះលោក ខេមេរ៉ូន ប្រាប់ទូរទស្សន៍ ITV ថា លោកពិតជាមានហ៊ុនចំនួន៥ពាន់នៅក្រុមហ៊ុន Baltimore Investment។ លោកក៏លក់ហ៊ុនទាំងនោះនៅខែមករា ឆ្នាំ២០១០ ដោយទទួលបានប្រាក់ជាង៤ម៉ឺនដុល្លារ។ លោកថា ពេលនោះលោកជិតក្លាយជានាយករដ្ឋមន្ត្រី ដូច្នេះលោកមិនចង់ឲ្យមានការនិយាយអ្វីពីក្រោយខ្នងទេ។
២. នាយករដ្ឋមន្ត្រីអ៊ីស្លង់លាលែងតំណែង តែពលរដ្ឋទាមទារឲ្យបោះឆ្នោតភ្លាមៗ
លោកនាយករដ្ឋមន្ត្រីអ៊ីស្លង់ Sigmundur David Gunnlaugsson ជាជនរងគ្រោះធ្ងន់ជាងគេក្នុងសំណុំរឿងបែកធ្លាយនេះ។ ដោយសារមានសម្ពាធខ្លាំងពីពលរដ្ឋ លោកក៏សម្រេចលាលែងពីតំណែងតែម្តងទៅ។ ការលាលែងនេះអាចថាដើម្បីលាងមុខមាត់ផង ហើយបើនៅទៀតក៏ពិបាករក្សាតំណែងដែរព្រោះ ប្រជាជនរាប់ម៉ឺននាក់និងបក្សប្រឆាំងផងនោះបានដាក់ញត្តិសុំឲ្យសភាបោះឆ្នោតដកសេចក្តីទុកចិត្តចំពោះលោកទៅហើយ។
យ៉ាងណាមិញ រឿងមិនបានចប់ត្រឹមការលាលែងតំណែងរបស់លោកនាយករដ្ឋមន្ត្រី Sigmundur នោះទេ។ ពលរដ្ឋអ៊ីស្លង់មិនស្ងប់ចិត្តនឹងការចាកចេញនេះ និងការសន្យាបោះឆ្នោតនៅរដូវស្លឹកឈើជ្រុះនេះទេ។ នៅថ្ងៃទី៧ ខែមេសា ក្រុមអ្នកតវ៉ាបានទាមទារឲ្យរដ្ឋាភិបាលទាំងមូលលាលែងពីតំណែង និងធ្វើការបោះឆ្នោតជាបន្ទាន់។
៣. សូម្បី UEFA ក៏ក្លាយជាគោលដៅស៊ើបអង្កេតដែរ
រឿងរ៉ាវបែកធ្លាយ Panama Paper មិនត្រឹមតែប៉ះពាល់បុគ្គលនយោបាយនោះទេ។ ស្ថាប័ន UEFA ដែលគ្រប់គ្រងលើការងារកីឡាបាល់ទាត់នៅទ្វីបអឺរ៉ុបក៏រងគ្រោះព្រោះរឿងអាស្រូវនេះដែរ។
នៅថ្ងៃទី៦ ខែមេសា ប៉ូលិសស្វ៊ីសបានឆ្មក់ចូលទីសា្នក់ការរបស់ UEFA ដើម្បីរឹបអូសព័ត៌មានទាក់ទងនឹងកិច្ចព្រមព្រៀងមួយ ដែលលេចធ្លាយតាមរយៈឯកសារPanama Paper ត្រូវបានចុះហត្ថលេខាដោយលោក Gianni Infantino ដែលជាប្រធានសហព័ន្ធកីឡាបាល់ទាត់ពិភពលោក FIFA ។ របាយការណ៍ជាច្រើនផ្សាយថា កិច្ចព្រមព្រៀងស្ដីពីសិទ្ធិផ្សាយផ្ទាល់ដែលលោក Infantino ចុះហត្ថលេខានៅប៉ុន្មានឆ្នាំមុនក្នុងនាមជាមន្ត្រីFIFA ត្រូវបានលក់ក្នុងតម្លៃថោក ហើយត្រូវបានក្រុមហ៊ុនលើកបន្តក្នុងតម្លៃខ្ពស់។
ប៉ុន្តែលោក Gianni Infantino បានបង្ហាញពីការស្រងាកចិត្តនឹងរបាយការណ៍ទាំងនោះ និងអន់ចិត្តចំពោះសារព៏ត៌មានដែលសង្ស័យចំពោះសុច្ចរឹតភាពរបស់លោក។ លោក Infantino និយាយថា កិច្ចសន្យាដែលលោកចុះហត្ថលេខានោះគឺធ្វើតាមបែបបទត្រឹមត្រូវ៕
ឯកសារចំនួន១១.៥លានច្បាប់របស់ក្រុមហ៊ុនមេធាវីប៉ាណាម៉ា Mossack Fonseca កំពុងតែទាញចំណាប់អារម្មណ៍យ៉ាងខ្លាំង ព្រោះវាបានបង្ហាញពីវិធីលាងលុយ និងលាក់លុយទាំងនោះដើម្បីចៀសផុតពីការបង់ពន្ធតាមច្បាប់។ ប្រទេសជាច្រើនក៏បើកការស៊ើបអង្កេតដើម្បីស្វែងការការពិតនៅពីក្រោយការបែកធ្លាយនេះ។ ព្រមជាមួយគ្នា មានមេដឹកនាំមួយចំនួនហើយ ដែលរងគ្រោះដោយសារឯកសារលេចធ្លាយនេះ។
ដោយឡែកនៅទ្វីបអឺរ៉ុបវិញ គេសង្កេតឃើញមានមេដឹកនាំចំនួនក៏ស្ថិតក្នុងបញ្ជីរបស់ក្រុមហ៊ុន Mossack Fonseca ដែរ។ បុគ្គលទាំងនោះរាប់ទាំងខ្សែរាជវង្ស ប្រមុខរដ្ឋាភិបាល សាច់ញាតិថ្នាក់ដឹកនាំជាដើម។ មេដឹកនាំមួយចំនួនទៀតក៏កំពុងរងសម្ពាធខ្លាំងពីពលរដ្ឋរបស់ខ្លួនដូចជានាយករដ្ឋមន្ត្រីអង់គ្លេសលោក ដេវីដ ខេមេរ៉ូន ហើយខ្លះទៀតក៏លាលែងពីតំណែងរួចហើយដែរ។
១. ចុងក្រោយលោកនាយករដ្ឋមន្ត្រី ដេវីដ ខេមេរ៉ូន បានសារភាព
បន្ទាប់ពីរងសម្ពាធប៉ុន្មានថ្ងៃដោយសារការបែកធ្លាយ Panama Papers នាយករដ្ឋមន្ត្រីអង់គ្លេសលោក ដេវីដ ខេមេរ៉ូន បានសារភាពថា លោកទទួលបានផលប្រយោជន៍ពីក្រុមហ៊ុនមួយ ដែលបង្កើតដោយឪពុករបស់លោក។ នៅថ្ងៃទី៧ ខែមេសា លោក ខេមេរ៉ូននិយាយថា លោកមានហ៊ុននៅក្នុងក្រុមហ៊ុន Baltimore តែលោកបានលក់វិញនៅឆ្នាំ២០១០ គឺបួនខែមុនលោកឡើងធ្វើជានាយករដ្ឋមន្ត្រី។
ក្រោយមានការបង្ហាញពីលុយរបស់ឪពុកលោកនៅបរទេសនោះ លោក ខេមេរ៉ូន បានចេញមុខប្រកាសថា ទាំងលោក ភរិយា និងកូនលោកផ្ទាល់មិនដែលបានទទួលប្រយោជន៍អ្វីពីទ្រព្យសម្បត្តិរបស់ឪពុកលោកដែលនៅបរទេសឡើយ។ ហើយទ្រព្យសម្បត្តិរបស់លោកមានបច្ចុប្បន្នមានប្រាក់ខែរបស់លោកផ្ទាល់ផង លុយលោកសន្សំខ្លះ ហើយក្រៅពីនោះមានផ្ទះមួយខ្នងប៉ុណ្ណោះ។ លោកសង្កត់ធ្ងន់ថា លោកពិតជាគ្មានភាគហ៊ុន និងគ្មានលុយលាក់នៅបរទេសឡើយ។
យ៉ាងណាក្ដី ចុងក្រោយនេះលោក ខេមេរ៉ូន ប្រាប់ទូរទស្សន៍ ITV ថា លោកពិតជាមានហ៊ុនចំនួន៥ពាន់នៅក្រុមហ៊ុន Baltimore Investment។ លោកក៏លក់ហ៊ុនទាំងនោះនៅខែមករា ឆ្នាំ២០១០ ដោយទទួលបានប្រាក់ជាង៤ម៉ឺនដុល្លារ។ លោកថា ពេលនោះលោកជិតក្លាយជានាយករដ្ឋមន្ត្រី ដូច្នេះលោកមិនចង់ឲ្យមានការនិយាយអ្វីពីក្រោយខ្នងទេ។
២. នាយករដ្ឋមន្ត្រីអ៊ីស្លង់លាលែងតំណែង តែពលរដ្ឋទាមទារឲ្យបោះឆ្នោតភ្លាមៗ
លោកនាយករដ្ឋមន្ត្រីអ៊ីស្លង់ Sigmundur David Gunnlaugsson ជាជនរងគ្រោះធ្ងន់ជាងគេក្នុងសំណុំរឿងបែកធ្លាយនេះ។ ដោយសារមានសម្ពាធខ្លាំងពីពលរដ្ឋ លោកក៏សម្រេចលាលែងពីតំណែងតែម្តងទៅ។ ការលាលែងនេះអាចថាដើម្បីលាងមុខមាត់ផង ហើយបើនៅទៀតក៏ពិបាករក្សាតំណែងដែរព្រោះ ប្រជាជនរាប់ម៉ឺននាក់និងបក្សប្រឆាំងផងនោះបានដាក់ញត្តិសុំឲ្យសភាបោះឆ្នោតដកសេចក្តីទុកចិត្តចំពោះលោកទៅហើយ។
យ៉ាងណាមិញ រឿងមិនបានចប់ត្រឹមការលាលែងតំណែងរបស់លោកនាយករដ្ឋមន្ត្រី Sigmundur នោះទេ។ ពលរដ្ឋអ៊ីស្លង់មិនស្ងប់ចិត្តនឹងការចាកចេញនេះ និងការសន្យាបោះឆ្នោតនៅរដូវស្លឹកឈើជ្រុះនេះទេ។ នៅថ្ងៃទី៧ ខែមេសា ក្រុមអ្នកតវ៉ាបានទាមទារឲ្យរដ្ឋាភិបាលទាំងមូលលាលែងពីតំណែង និងធ្វើការបោះឆ្នោតជាបន្ទាន់។
៣. សូម្បី UEFA ក៏ក្លាយជាគោលដៅស៊ើបអង្កេតដែរ
រឿងរ៉ាវបែកធ្លាយ Panama Paper មិនត្រឹមតែប៉ះពាល់បុគ្គលនយោបាយនោះទេ។ ស្ថាប័ន UEFA ដែលគ្រប់គ្រងលើការងារកីឡាបាល់ទាត់នៅទ្វីបអឺរ៉ុបក៏រងគ្រោះព្រោះរឿងអាស្រូវនេះដែរ។
នៅថ្ងៃទី៦ ខែមេសា ប៉ូលិសស្វ៊ីសបានឆ្មក់ចូលទីសា្នក់ការរបស់ UEFA ដើម្បីរឹបអូសព័ត៌មានទាក់ទងនឹងកិច្ចព្រមព្រៀងមួយ ដែលលេចធ្លាយតាមរយៈឯកសារPanama Paper ត្រូវបានចុះហត្ថលេខាដោយលោក Gianni Infantino ដែលជាប្រធានសហព័ន្ធកីឡាបាល់ទាត់ពិភពលោក FIFA ។ របាយការណ៍ជាច្រើនផ្សាយថា កិច្ចព្រមព្រៀងស្ដីពីសិទ្ធិផ្សាយផ្ទាល់ដែលលោក Infantino ចុះហត្ថលេខានៅប៉ុន្មានឆ្នាំមុនក្នុងនាមជាមន្ត្រីFIFA ត្រូវបានលក់ក្នុងតម្លៃថោក ហើយត្រូវបានក្រុមហ៊ុនលើកបន្តក្នុងតម្លៃខ្ពស់។
ប៉ុន្តែលោក Gianni Infantino បានបង្ហាញពីការស្រងាកចិត្តនឹងរបាយការណ៍ទាំងនោះ និងអន់ចិត្តចំពោះសារព៏ត៌មានដែលសង្ស័យចំពោះសុច្ចរឹតភាពរបស់លោក។ លោក Infantino និយាយថា កិច្ចសន្យាដែលលោកចុះហត្ថលេខានោះគឺធ្វើតាមបែបបទត្រឹមត្រូវ៕
Tag:
Panama papers
អឺរ៉ុប
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ម៉ោង
