នៅក្នុងភោជនីយដ្ឋាន «Ddo-Ong Cafe» គេឃើញមានផើងផ្កាជាបង្គន់នោមសម្រាប់បុរស ឯរូបភាពនៅលើជញ្ជាំងវិញ គឺជារូបភាពនំដុំលាមក និងរូបបង្គន់តែម្តង។ បើតាមការផ្សាយរបស់ Daily Mail រាល់ភេសជ្ជៈទាំងអស់ត្រូវបានបម្រើដោយដាក់ក្នុងពែង ដែលច្នៃជារូបបង្គន់កាច់ទឹក។ 

 

Lexi ជាអ្នកថតរូបជនជាតិអាមេរិកដែលរស់នៅក្រុងសេអ៊ូលបាននិយាយពីបទពិសោធន៍របស់ខ្លួននៅក្នុងហាងកាហ្វេនេះថា៖ « ខ្ញុំមានអារម្មណ៍មិនសូវស្និទ្ធប៉ុន្មានទេ នៅពេលដែលផឹកកាហ្វេក្នុងពែងរាងចានបង្គន់នោះ។ តែអ្វីដែលសំខាន់ គឺខ្ញុំបានរូបថតប្លែកៗនៅទីនោះ »។

 

តាមពិតទៅ ហាងកាហ្វេដុំលាមកនេះមិនមែនជាគំនិតបង្កើតថ្មីអ្វីនោះទេ។ ហាងនេះបានយកតម្រាប់តាមភោជនីយដ្ឋាន Modern Toilet នៅទីក្រុងតៃវ៉ាន់ ដែលបានរកឃើញគំនិតតែងលម្អពាក់ព័ន្ធនឹងដុំលាមកមុនគេ។ ហាង Modern Toilet នេះត្រូវបានបង្កើតឡើងតាំងពីឆ្នាំ ២០០៤ ។ ហាងនេះបានទទួលជោគជ័យ ហើយក៏បានពង្រីកសាខារហូតដល់ជាង ១២ នៅទូទាំងទ្វីបអាស៊ី៕