នាយករដ្ឋមន្រ្តី ចង់ឲ្យមានការរួបរួមគ្នា និងឈប់លាបពណ៌គ្នា

ជាតិ

នយោបាយជាតិ

នាយករដ្ឋមន្រ្តី ចង់ឲ្យមានការរួបរួមគ្នា និងឈប់លាបពណ៌គ្នា

10, Apr 2016 , 9:33 am

រូបភាព

ដោយ:

ប្រមុខគណបក្សប្រជាជនកម្ពុជា ហាក់ព្រួយបារម្ភខ្លាំងណាស់ចំពោះនយោបាយលាបពណ៌គ្នានៅក្នុងប្រទេសកម្ពុជា។ សម្តេច នាយករដ្ឋមន្រ្តី បានចំអកឲ្យអ្នកនយោបាយបក្សមួយចំនួន ដែលលាបពណ៌សកម្មជនខ្លួនថា ជាយួននៅពេលដែលសកម្មជនគណបក្សនោះ លែងគាំទ្រ ឬដើរចេញពីគណបក្ស។ នាយករដ្ឋមន្រ្តីច្រើនទសវត្សរ៍រូបនេះ យល់ថា នយោបាយលាបពណ៌គ្នានេះ មានគ្រោះថ្នាក់ខ្លាំងណាស់សម្រាប់ជាតិ។ «បើជាតិមានមនុស្សធុននេះ ជាតិយើងវាយគ្នារហូត»។ សម្តេចមានប្រសាសន៍ដូច្នេះ នៅក្នុងពិធីប្រគល់រង្វាន់ដល់យុវជនដែលជាប់ជ័យលាភីតាមហ្វេសប៊ុកនៅវិមានសន្តិភាព ហើយក៏អំពាវនាវយ៉ាងនេះថា៖«យល់ល្អរួបរួមគ្នាទៅ.... ព្រោះមនុស្សត្រូវការស៊ីបាយដូចគ្នា»។