ជាតិ
ពីនេះ ពីនោះ
ពាក្យ«សង្ក្រាន្ត»មានអត្ថន័យដូចម្តេច?
× មនុស្សជាច្រើនមិនបានដឹង និងយល់ពីអត្ថន័យនៃពាក្យ«សង្ក្រាន្ត ឬសង្ក្រាន្តិ»នេះឡើយ។ យោងតាមវចនានុក្រមខ្មែររបស់សម្តេចព្រះសង្ឃរាជ ជួន ណាត បានបញ្ជាក់ពីអត្ថន័យនៃពាក្យ«សង្ក្រាន្ត»យ៉ាងដូច្នេះថា៖ ជាដំណើរឃ្លាតចាកទី, ការឈានចូលដល់, ដំណើរដែលព្រះអាទិត្យចរចូលដល់ទីចួបមួយជុំរាសិចក្រ គឺដំណើរដែលដើម និងចុងនៃរាសិចក្រចួបគ្នាពេញគ្រប់ជាមួយឆ្នាំ (ជាដំណើរដាច់ឆ្នាំចាស់ផ្លាស់ឆ្នាំថ្មី)។
ពិធីចូលឆ្នាំថ្មី សង្ក្រាន្តមានបីថ្ងៃ គឺថ្ងៃទី១ ជាថ្ងៃចូលឆ្នាំ, ថ្ងៃទី២ ជាពារកណ្តាល ឬហៅថា វ័នបត (ថ្ងៃខ្វាក់), ថ្ងៃទី៣ ជាពារឡើងស័ក គឺផ្លាស់ស័កថ្មីនៅថ្ងៃនេះឯង (ថ្ងៃសង្ក្រាន្ត ឬពិធីសង្ក្រាន្ត)៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com