ចរាចរណ៍នៅអង្គរចាប់ផ្តើមស្ទះបណ្តើរៗ

ជាតិ

ចរាចរណ៍នៅអង្គរចាប់ផ្តើមស្ទះបណ្តើរៗ

11, Apr 2016 , 4:55 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ គិតត្រឹមថ្ងៃទី១១ មេសានេះ គឺនៅសល់ត្រឹមមួយទៀតតែប៉ុណ្ណោះ ដែលពិធីបុណ្យចូលឆ្នាំប្រពៃណីខ្មែរ នឹងចូលមកដល់។ កម្មវិធីអង្គរសង្ក្រាន្ត ដែលរៀបចំដើម្បីអបអរបុណ្យចូលឆ្នាំថ្មី នៅរមណីយដ្ឋានអង្គរវត្ត ក៏នឹងមកដល់ដូចគ្នា។ បើទោះជាការដ្ឋានមួយចំនួននៅមិនទាន់រួចរាល់ជាស្ថាពរក៏ដោយ ហើយកម្មវិធីអង្គរសង្ក្រាន្តមិនទាន់លេចចេញជារូបរាងក៏មែនពិត ប៉ុន្តែគេសង្កេតឃើញមានប្រជាជនខ្មែរឆ្ងាយជិតជាច្រើន បានធ្វើដំណើរមកកម្សាន្តនៅរមណីយដ្ឋានអង្គរទៅហើយ។

នៅថ្ងៃទី១១ មេសានេះ រមណីយដ្ឋានអង្គរចាប់ផ្តើមមានការកកស្ទះដោយកន្លែងទៅហើយ។ ទំនងជាខ្លោងទ្វារមានភាពទាក់ទាញ និងដែលបានចែករំលែកតៗគ្នាបានឃើញ ការដ្ឋានភូមិខ្ញុំ និងការតុបតែងទីតាំងដើម្បីរៀបចំព្រឹត្តិការណ៍អង្គរសង្ក្រាន្តឆ្នាំ២០១៦នេះហើយទើបឲ្យមានអ្នកធ្វើដំណើរមកទស្សនា មុនព្រឹត្តិការណ៍ចាប់ផ្តើមនៅថ្ងៃទី១៣ ខាងមុខ។ ព្រឹត្តិការណ៍អង្គរសង្ក្រាន្តឆ្នាំ២០១៦ គឺនឹងរៀបចំឡើងរយៈពេល៤ថ្ងៃ គឺចាប់ពីថ្ងៃទី១៣ ដល់ថ្ងៃទី១៦ មេសា ឆ្នាំ២០១៦ ។ ក្នុងនោះដែរ សម្តេច ហ៊ុន សែន នឹងចូលរួមបើកព្រឹត្តិការណ៍ដ៏ធំប្រចាំឆ្នាំនេះ នៅថ្ងៃទី១៤ មេសា នៅប្រាសាទបាយ័នផងដែរ។

ខាងក្រោមនេះ ជារូបភាពខ្លះៗពីការដ្ឋានមួយចំនួន ដែលរៀបចំក្នុងកម្មវិធីសង្ក្រាន្តឆ្នាំថ្មី។ សូមអញ្ជើញទស្សនា