អន្តរជាតិ
នយោបាយអន្តរជាតិ
មីយ៉ាន់ម៉ា រៀបចំបុណ្យទឹកដើម្បីជម្រះរឿងអាក្រក់ និងទទួលសំណាងល្អក្នុងឆ្នាំថ្មី
×![]()
ដោយ: ថ្មីៗ
ប្រជាជនមីយ៉ាន់ម៉ា កំពុងរៀបចំខ្លួនដើម្បីប្រារព្ធពិធីបុណ្យទឹក ដែលជាពិធិបុណ្យជាតិបែបសាសនាព្រះពុទ្ធ និង ហិណ្ឌូដ៏សំខាន់បំផុតនៅក្នុងប្រទេស។ តែឆ្នាំនេះអាចមានបញ្ហាមួយចំនួនដ្បិតប្រទេសជួបបញ្ហាគ្រោះរឹងស្ងួត។
ជារៀងរាល់ឆ្នាំ ប្រជាជនមីយ៉ាន់ តែងតែប្រារព្ធពិធីបុណ្យទឹក នៅពាក់កណ្តាលខែមេសា ដែលជាពិធីបុណ្យប្រពៃណី ជាតិដ៏សំខាន់បំផុតនៅក្នុងប្រទេស ។ ក្នុងនោះជានិច្ចកាល គេតែងតែប្រារព្ធពិធីបុណ្យនេះចាប់ពីថ្ងៃទី១៤ ដល់ថ្ងៃ ទី១៧ ខែមេសា ដែលស្របពេលជាមួយនឹងការប្រារព្ធពិធីបុណ្យឆ្នាំរបស់បណ្តាប្រទេសមួយចំនួននៅក្នុងអាស៊ី អាគ្នេយ៍រួមមាន ថៃ ឡាវ និង កម្ពុជាផងដែរ។
ពិធីបុណ្យទឹក ឬ Thingyan គឺជាពិធីដ៏សំខាន់បំផុតរបស់មីយ៉ាន់ម៉ា ដែលមានប្រភពដើមចេញសាសនាព្រះពុទ្ធ និង ហិណ្ឌូ។ ហើយពិធីបុណ្យនេះ ត្រូវបានប្រារព្ធឡើង ស្របពេលនៃរដូវក្តៅបំផុតរបស់មីយ៉ាន់ម៉ា ដោយភ្ជាប់ ជាមួយនឹងអត្ថន័យ នៃការយកទឹកមកជម្រះនូវរឿងរ៉ាវអាក្រក់ដែលបានកើតឡើងកន្លងមក និងទទួលយកនូវសំណាងល្អនៅក្នុងឆ្នាំថ្មី។
ដោយឡែកសម្រាប់របៀបវីរៈនៅក្នុងពិធីបុណ្យ ដែលមានរយៈពេលបួនថ្ងៃនេះដែរ គឺនឹងមានររៀបរាប់ដូចខាងក្រោមនេះ៖
- នៅថ្ងៃទី០១នៃចូលឆ្នាំ ៖ ប្រជាជននៅក្នុងតំបន់ចាប់ផ្តើម សកម្មភាពកម្សាន្ត ដូចជាការចាក់ភ្លេងរាំ និង ច្រៀងទាំងគ្នាដើម្បីទទួលស្វាគមន៍នូវអាទិទេព
- នៅថ្ងៃទី០២នៃចូលឆ្នាំ ៖ គឺជាថ្ងៃ ដែលអាទិទេព Thagyamin ចុះមកកាន់ភពផែនដី
- នៅថ្ងៃទី០៣ នៃចូលឆ្នាំ ៖ គឺជាថ្ងៃ ដែលអាទិទេព Thagyamin វិលត្រលប់ទៅកាន់ឋានសួគ៌វិញ ហើយក៏ជាថ្ងៃចុងក្រោយនៃពិធីបុណ្យទឹកដែរ
- នៅថ្ងៃទី០៤ នៃចូលឆ្នាំ ៖ គឺជាថ្ងៃដែលប្រជាជននៅក្នុងតំបន់ ចុះសួរសុខទុកមនុស្សចាស់ និង សាច់ញាតិរបស់គេ។ ជាមួយគ្នានេះផងដែរ ពួកគេ ត្រូវតែធ្វើការងូតទឹកជម្រះសក់មនុស្សចាស់ៗជាមួយនឹងសាប៊ូ ដែលត្រូវបានគេស្គាល់ថាពិធីស្រង់ព្រះ ដើម្បីសុំសេចក្តីសុខផងដែរ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
