អន្តរជាតិ
ថៃ៖ មនុស្សជាងបីរយនាក់ស្លាប់ និងរបួសជាងបីពាន់នាក់ក្នុងថ្ងៃសង្គ្រាន្តឆ្នាំថ្មី
× យ៉ាងហោចណាស់មានមនុស្សប្រមាណជាងបីរយនាក់ បានបាត់បង់ជីវិត និងជាងបីពាន់នាក់បានរបួសដោយសារតែគ្រោះថ្នាក់ចរាចរណ៍ក្នុងឱកាសសង្គ្រាន្តឆ្នាំថ្មីរយៈពេល៦ថ្ងៃដំបូងនៅក្នុងប្រទេសថៃ។ ការបាត់បង់អាយុជីវិតនេះ បានក្លាយជាកំណត់ត្រាតួលេខមួយនៃចំនូនអ្នកស្លាប់ច្រើនបំផុតដោយសារគ្រោះថ្នាក់ចរាចរណ៍ក្នុងថ្ងៃសង្គ្រាន្តឆ្នាំថ្មីរបស់ថៃ។
រដ្ឋមន្ត្រីក្រសួងដឹកជញ្ជូនថៃ Arkhom Termpittayapaisith នៅថ្ងៃទី១៧ ខែមេសាម្សិលមិញបានថ្លែង ក្នុងឱកាសសង្ខេបព័ត៌មានលើសុវត្ថិភាពតាមដងផ្លូវថាក្នុងរយៈពេលប្រាំមួយថ្ងៃដំបូងនៃសង្គ្រាន្តឆ្នាំថ្មី ២០១៦ដែលចាប់ផ្តើមពីថ្ងៃទី១១ដល់ថ្ងៃទី១៦ខែមេសា មានមនុស្សស្លាប់សរុប៣៩៧នាក់ និងរបួស ៣២៧១នាក់ក្នុងគ្រោះថ្នាក់ចរាចរណ៍៣១០៤ករណី។ នេះបើយោងតាមការដកស្រង់របស់សារព័ត៌មាន បាងកកប៉ុស្តិ៍។
បើប្រៀបធៀបទៅនឹងរបាយការណ៍ក្នុងរយៈពេលដូចគ្នានៅឆ្នាំ២០១៥ និង២០១៦ ចំនួនអ្នកស្លាប់ និង ករណីគ្រោះថ្នាក់ចរាចរណ៍ឆ្នាំនេះ បានកើនឡើង ពោលគឺនៅឆ្នាំមុន មានករណីគ្រោះថា្នក់ត្រឹមតែជាង ពីរពាន់ករណី និងស្លាប់៣០៦នាក់ និងរបួស៣០៧០នាក់។ នេះបើយោងតាមប្រភពព័ត៌មានដដែលដែលបានបញ្ជាក់ដែលថា មូលហេតុចម្បងនៃគ្រោះថា្នក់ចរាចរណ៍នោះ បណ្តាលមកពីអ្នកបើកបរសេព គ្រឿងស្រវឹង៕
© រក្សាសិទ្ធិដោយ thmeythmey.com