ជាតិ
សង្គមជាតិ
រោងចក្រផលិតស្ករស កៀបទឹកអំពៅនៅព្រះវិហារនឹងផ្តល់ការងារដល់ពលរដ្ឋជាង១៤០០០នាក់
× សម្តេចនាយករដ្ឋមន្ត្រី ហ៊ុន សែន បានបើកសម្ពោធរោងចក្រផលិតស្ករស កៀបទឹកអំពៅរបស់ក្រុមហ៊ុនចិន Rui Feng Cambodia International Co.,Ltd. នាព្រឹកថ្ងៃទី១៩ ខែមេសា នេះ នៅភូមិពោធិ៍ទាប ឃុំម្លូព្រៃ១ ស្រុកឆែប ខេត្តព្រះវិហារ។
រោងចក្រផលិតស្ករស កៀបទឹកអំពៅ នឹងក្លាយជារោងចក្រធំជាងគេនៅអាស៊ីរបស់ក្រុមហ៊ុន Rui Feng Cambodia International Co.,Ltd. ដោយសាងសង់ឡើងលើគម្រោងទឹកប្រាក់ជាង ១ពាន់លានដុល្លារ ដែលនៅជំហានទី១គឺចំណាយជាង ៣៦០ លានដុល្លារហើយត្រូវការពលកម្ម៧០០០នាក់។
ប្រមុខរដ្ឋាភិបាលកម្ពុជា បានគូសបញ្ជាក់ថា រោងចក្រនេះនឹងផ្តល់ការងារដល់ប្រជាពលរដ្ឋជាង ១៤០០០ នាក់នៅពេលគម្រោងវិនិយោគត្រូវបានសាងសង់ចប់សព្វគ្រប់។ ទន្ទឹមនឹងផ្តល់ការងារជាច្រើនដល់ពលរដ្ឋនៅក្នុងខេត្តព្រះវិហារ រោងចក្រដ៏ធំនេះនឹងចូលរួមពង្រឹងសេដ្ឋកិច្ចកម្ពុជាផងដែរ។
សម្តេច បានលើកឡើងថាតាមរយៈទំព័រហ្វេសប៊ុករបស់ខ្លួនថា៖ «ខ្ញុំសូមអរគុណក្រុមហ៊ុនដែលបានជ្រើសរើសកម្ពុជា ជាទីវិនិយោគលើគម្រោងដ៏ធំនេះ។ នេះដោយសារក្រុមហ៊ុនមានជំនឿទុកចិត្តមកលើរាជរដ្ឋាភិបាលកម្ពុជា។ ខ្ញុំសូមលើកទឹកចិត្តដល់ក្រុមហ៊ុនវិនិយោគទុនជាតិ និងអន្តរជាតិ និងសូមមន្ត្រីនិងជ្ញាធរមានសមត្ថកិច្ចយកចិត្តទុកដាក់ជួយសម្របសម្រួលគ្រប់យ៉ាងដើម្បីជំរុញគម្រោងវិនិយោគនៅទូទាំងប្រទេសទទួលបានជោគជ័យ»៕
សូមស្ដាប់សំឡេង៖
Tag:
សម្តេច ហ៊ុន សែន
ព្រះវិហារ
រោងចក្រផលិតស្ករស
© រក្សាសិទ្ធិដោយ thmeythmey.com