ពីនេះ ពីនោះ
ក្អែកទឹកមធ្យមពេលបន្តពូជក្បាលមានរោមពណ៌សមួយដុំ
× ក្អែកទឹកមធ្យម នៅរដូវមិនបន្តពូជ មានរូបរាង និងសណ្ឋានដូចក្អែកទឹកតូចដែរ។ ប៉ុន្តែក្អែកទឹកមធ្យម មានមាឌធំជាងបន្តិច ចំពុះវែងជាង កន្ទុយវែង បំពងកស ចំពុះលឿង។ នៅរដូវបន្តពូជ ឬនៅពេលវាបន្តពូជ នៅពីលើក្បាលរបស់ក្អែកទឹកមធ្យម មានរោមពណ៌សមួយដុំ និងចំពុះពណ៌ខ្មៅ។
ជីវសាស្ត្រ និងជម្រក៖ ក្អែកទឹកមធ្យម ភាគច្រើនគេសង្គេតឃើញថា មានរស់នៅតំបន់ដីសើមផ្សេងៗ ទាំងនៅទឺកសាប និងនៅទឹកប្រៃ។ សត្វនេះរកចំណីដោយ ហែលទឹកដើម្បីជ្រមុជចាប់ត្រី។ វាមានវត្តមានពេញមួយឆ្នាំ និងមានបន្ទាយពងកូនធំជាងគេនៅតំបន់ព្រែកទាល់បឹងទន្លេសាប។ សម្រាប់រដូវដែលក្អែកទឹកមធ្យមបន្តពូជ គឺចាប់ពីខែមករា ដល់ខែសីហា ហើយវាអាចមានពងចាប់ពី៣ ទៅ៦ ប៉ុណ្ណោះសម្រាប់ មួយរដូវនៃការបន្តពូជនេះ៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com