ជាតិ
សេដ្ឋកិច្ច
ធនាគារជាតិ ដាក់ឲ្យប្រើប្រាស់ប្រព័ន្ធទូទាត់ប្រាក់ភ្លាមៗ
× ធនាគារជាតិនៃកម្ពុជា (NBC) ចាប់ដាក់ឲ្យដំណើរការប្រព័ន្ធទូទាត់រាយភ្លាមៗ សម្រាប់ប្រតិបត្តិការផ្ទេរមូលនិធិអន្តរគ្រឹះស្ថានមីក្រូហិរញ្ញវត្ថុ ឬធនាគារ ដែលទទួលប្រាក់បញ្ញើជាប្រាក់រៀល។ ប្រព័ន្ធនេះ នឹងផ្តល់ភាពឆាប់រហ័ស និងងាយស្រួលដល់ពលរដ្ឋ។ នេះបើតាមសេចក្តីប្រកាសនៅលើគណីហ្វេសប៊ុករបស់ NBC ។
នៅក្នុងសេចក្តីប្រកាសរបស់ NBC ឲ្យដឹងថា ការដាក់ឲ្យដំណើរការប្រព័ន្ធទូទាត់ភ្លាមៗនេះ នឹងរួមចំណែកជំរុញការប្រើប្រាស់ប្រាក់រៀល និងការទូទាត់សងប្រាក់តាមប្រព័ន្ធអេឡិចត្រូនិក។ សេចក្តីប្រកាសនេះបន្ថែមទៀតថា ប្រព័ន្ធមួយនេះ នឹងពង្រឹងសកម្មភាពទូទាត់ប្រាក់ ទាំងនៅក្នុងវិស័យឯកជន និងរាជរដ្ឋាភិបាល កាន់តែមានប្រសិទ្ធភាព ឆាប់រហ័ស និងមានសុវត្ថិភាព។
ប្រព័ន្ធផ្ទេរប្រាក់ថ្មីមួយនេះ នឹងត្រូវដាក់ឲ្យដំណើរការជាបឋម ចាប់ពីថ្ងៃទី២២ខែមេសាឆ្នាំ២០១៦ នេះតទៅ៕
Tag:
ធនាគារជាតិ
ប្រព័ន្ធផ្ទេរប្រាក់
© រក្សាសិទ្ធិដោយ thmeythmey.com