ពីនេះ ពីនោះ
កុកគ្រោងធំជាកុកធំជាងគេក្នុងចំណោមកុកដទៃ
× កុកគ្រោងធំ គឺជាប្រភេទកុក ដែលមានមាឌធំជាងគេ មានកវែងដូចពស់ហើយក្ងក់ ចំពុះលឿងវែងស្រួច និងមានជើងពណ៌ខ្មៅ។ នៅរដូវបន្ដពូជ កុកគ្រោងធំនេះ មានជង្គង់ពណ៌ផ្កាឈូក ស្មងជើង និងម្រាមជើងខ្មៅ ព្រមទាំងចំពុះពណ៌ខ្មៅ។ កុកគ្រោងធំតែងតែរស់នៅតំបន់វាលភក់រុក្ខជាតិ បឹង វាលស្រែ ព្រមទាំងព្រៃកោងកាង និងតំបន់ឆ្នេរ។ ហើយសត្វនេះមានវត្តមានពេញមួយឆ្នាំ ប៉ុន្តែស្ថិតនៅក្នុងចំណោមប្រភេទបក្សីដែលមិនសូវសម្បូរ។ ជាទូទៅបក្សីនេះ បន្តពូជ ចាប់ពីខែមិថុនា ដល់តុលា និងមានចំនួនពង ចាប់ពី៣ ទៅ៤ប៉ុណ្ណោះក្នុងមួយរដូវ ៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com