ពីនេះ ពីនោះ
តើមូលហេតុអ្វីបានជាមានការប្រចណ្ឌ?
× ភ្នំពេញ៖ ទំនាក់ទំនងស្នេហា រវាងគូសង្សារ ប្ដីប្រពន្ធ តែងតែកើតមានរូបភាពឈ្លោះប្រកែកគ្នា។ នៅក្នុងការឈ្លោះប្រកែកគ្នានោះផងដែរ ភាគច្រើនគឺកើតចេញពីភ្លើងប្រចណ្ឌ។ ប៉ុន្តែសួរថាមូលហេតុអ្វីបានជាប្រចណ្ឌបើសិនជាស្រឡាញ់គ្នាហើយ? ហើយការប្រចណ្ឌសុទ្ធតែអាក្រក់ឬយ៉ាងណា? តើមានហេតុផលអ្វីខ្លះដែលនាំឲ្យមានការប្រចណ្ឌ?
ខាងក្រោមនេះគឺជាហេតុផលមួយចំនួនដែលនាំឲ្យកើតមានភ្លើងប្រចណ្ឌរវាងគូសង្សារ និងរវាងប្ដីនិងប្រពន្ធ៖
- ដោយការស្រឡាញ់ខ្លាំងពេក
-ខ្លាចបាត់បង់មនុស្សជាទីស្រឡាញ់
-ខ្លាចអ្នកដទៃដណ្ដើមយកមនុស្សដែលខ្លួនកំពុងស្រឡាញ់
-ឃើញដៃគូប្រកួតប្រជែងពូកែឬល្អជាងខ្លួន
-ឃើញមនុស្សដែលខ្លួនស្រឡាញ់នៅជិតអ្នកដទៃ ហើយញញឹមដាក់គ្នា សម្លឹងគ្នាស្និតស្នាល និងនិយាយជាមួយនឹងគ្នា
-មានចិត្តហួងហែង ចង់បានកម្មសិទ្ធិគ្រប់គ្រងតែម្នាក់ឯង
-ឃើញដៃគូខ្លួនមិនសូវមានចំណាប់អារម្មណ៍មកលើខ្លួន
-ពេលឃើញប្ដីឬក៏ប្រពន្ធមកដល់ផ្ទះវិញនៅពេលយប់ជ្រៅពេក៕
ហេតុនេះដើម្បីកែប្រែស្ថានភាពភ្លើងប្រចណ្ឌមកជាស្ពានសុភមង្គលដ៏ផ្អែមល្ហែម ដៃគូជីវិតទាំងអស់គួរណាស់នាំគ្នាយកមូលដ្ឋានគិតពិចារណាឲ្យបានខ្ពស់បំផុត ដើម្បីរក្សាទំនាក់ទំនងស្នេហាមួយនេះ៕
© រក្សាសិទ្ធិដោយ thmeythmey.com