ពីនេះ ពីនោះ
កុកគ្រោងតូចមានការប្រែប្រួលសណ្ឋានទៅតាមរដូវកាល
× កុកគ្រោងតូច មានការប្រែប្រួលលក្ខណៈសណ្ឋានទៅតាមរដូវកាល។ បក្សីនេះនៅរដូវមិនបន្តពូជ ដងខ្លួនទាំងមូលពណ៌ស ចំពុះពណ៌ខ្មៅ ជើងខ្មៅ ប្រអប់ជើង និងម្រាមពណ៌លឿង។ ប៉ុន្តែនៅរដូវបន្តពូជ ក្បាលរបស់វាមានកំប៉ោយរោមវែងពីរសសៃ រោមទ្រូង និងកន្ទុយបះជ្រោង មានដៅក្រហមនៅដើមភ្នែកគល់ចំពុះ ប្រអបជើងនិងម្រាមពណ៌ក្រហម។ សត្វនេះមានវត្តមានពេញមួយឆ្នាំ មាននៅគ្រប់ទីកន្លែង និងជាប្រភេទបក្សីដែលសំបូរបំផុត។ កុកគ្រោងតូច ភាគច្រើនគឺរស់នៅតាមតមបន់វាលភក់រុក្ខាជាតិ វាលស្រែ តាមដំណាំកសិកម្ម និងតំបន់ឆ្នេរ។ ចំពោះរដូវបន្តពូជវិញ បក្សីនេះ បន្តពូជចាប់ពីខែមិថុនា ដល់ខែសីហា ហើយក្នុងមួយរដូវបន្តពូជនេះ វាអាចពងបានចំនួនចាប់ពី៣ទៅ៥ ប៉ុណ្ណោះក្នុងមួយរដូវបន្តពូជ៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com