ពីនេះ ពីនោះ
កវី គង្គ ប៊ុន ឈឿន៖ ជំងឺជឿព្រេងវាសនា
× កវី គង្គ ប៊ុន ឈឿន៖ ជំងឺជឿព្រេងវាសនា
បទពាក្យ៥
ដុតធូបផ្សងវាសនា ឲ្យហោរាជួយទស្សន៍ទាយ
ដេញលេខតាមទំនាយ ទាយរកជោគជ័យសេរី។
ពេលណាសង្គមខ្មៅ អួរអាប់ក្តៅក្នុងហទ័យ
មានជនខ្មែរប្រុសស្រី ខ្លះរំពៃពឹងធូបទាន។
ស្រោចទឹកលើករាសី ផ្ចង់ស្មារតីផ្តោតវិញ្ញាណ
សុំជួយឲ្យបានមាន កុំអត់ឃ្លានដូចសព្វថ្ងៃ។
ខ្លះទាយរកសង្សារ ខ្លះប្រាថ្នាសួរលាភជ័យ
តើឆ្នាំពីរពាន់បី បោះឆ្នោតថ្មី ជាប់ទៀតទេ!។
ខ្លះបែបមានសង្ឃឹម សើចញញឹមស្រស់ជាទ្វេ
ខ្លះភ័យខ្លាចចាញ់គេ ឱនមុខខ្វេមិនចេញស្តី! ។ ១០.០២.០២
ប្រភព៖ កម្រងកំណាព្យទស្សនៈ«ជំងឺខ្មែរ»របស់ លោក គង្គ ប៊ុនឈឿន (កវីម្ចាស់ស្ទឹងសង្កែ)
© រក្សាសិទ្ធិដោយ thmeythmey.com