ខ្លាឃ្មុំតូចកំពុងរងគ្រោះដោយការបាត់បង់ទីជម្រក ការបរបាញ់ និងទាក់ចាប់ធ្វើអាជីវកម្ម

ពីនេះ ពីនោះ

ខ្លាឃ្មុំតូចកំពុងរងគ្រោះដោយការបាត់បង់ទីជម្រក ការបរបាញ់ និងទាក់ចាប់ធ្វើអាជីវកម្ម

01, May 2016 , 11:39 am

រូបភាព

ដោយ: ថ្មីៗ

ភិនភាគ៖ ជាប្រភេទខ្លាឃ្មុំដែលមានមាឌតូចជាងគេនៅលើពិភពលោក មានទម្ងន់ពី២៧-៦៥ គ.ក។ ដងខ្លួនគ្របដណ្តប់ទៅដោយរោមខ្លីក្រាស់ពណ៌ខ្មៅរលោង លើកលែងតែផ្ទៃមុខមានរោមពណ៌ស និងឆ្នូតពណ៌លឿងខ្ចីរាងអក្សារ (U) នៅខាងក្រោមក ត្រចៀកមូលខ្លី និងមានដានជើងប្រហាក់ប្រហែលនឹងមនុស្សដែរ។

ជីវសាស្ត្រ៖ វាអាចរស់នៅតាមព្រៃស្រោង ព្រៃពាក់កណ្តាលស្រោង។ ខ្លាឃ្មុំតូចជាសត្វពូកែឡើងដើមឈើ និងមានលក្ខណៈជីវសាស្ត្រដូចខ្លាឃ្មុំធំ ទាំងការបន្តពូជ និងការរកចំណី។ ប្រភេទចំណីរួមមាន សត្វល្អិត ផ្លែឈើ រុក្ខជាតិ ឃ្មុំ ព្រួត ម្រោម និងពពួកសត្វកកេរ ព្រមទាំងសត្វស្លាបដូចជាមាន់ព្រៃផងដែរ។ ក្រញុំាំជើងមុខទាំងពីរអាចកាយដំបូកកណ្តៀររហូតដល់ជម្រៅលិចខ្លួនបាត់។ ជាទូទៅវាបង្កើតកូនម្តងបានពី ១-២ក្បាលក្នុងមួយឆ្នាំ ហើយកូនរស់នៅជាមួយមេរហូតដល់ពេញវ័យ។

រប៉ាយរស់នៅ៖ មានជាមធ្យមនៅភូមិភាគឦសាន្ត និរតី និងភូមិភាគខាងជើងប្រទេសកម្ពុជា។ ពួកវាក៏មានវត្តមានផងដែរ នៅភូមិភាគអាស៊ីអាគ្នេហ៍ កោះស៊ូមាត្រា និងកោះបរណេអូ។

ស្ថានភាពអភិរក្ស៖ ខ្លាឃ្មុំតូចជាប្រភេទស្ថិតក្នុងក្រុមមានដោយកម្រ និងបានចាត់ថ្នាក់ក្នុងឧបសម្ព័នទី I នៃអនុសញ្ញា CITES។ ខ្លាឃ្មុំតូចកំពុងរងគ្រោះដោយការបាត់បង់ទីជម្រក និងការបរបាញ់ និងទាក់ចាប់ដើម្បីយកធ្វើអាជីវកម្ម។