ពីនេះ ពីនោះ
កវី គង្គ ប៊ុនឈឿន៖ ជំងឺលាបពណ៌គ្នា
× កវី គង្គ ប៊ុនឈឿន៖ ជំងឺលាបពណ៌គ្នា
(បទពាក្យ៥)
ជំងឺលាបពណ៌គ្នា នៅកម្ពុជាមានមិនចប់
តគ្នាជាទម្លាប់ បើគេស្អប់នរណាម្នាក់!។
ចោទថាក្រហម ខៀវ គ្មានស្រាវជ្រាវឲ្យជាក់លាក់
បែងចែកជាពួកបក្ស លួចកាប់ចាក់បាញ់ប្រហារ។
គួរឲ្យខ្លាចអ្វីម្ល៉េះ ជំងឺនេះកាចអស្ចារ្យ
ខ្លះត្រូវគេប្រហារ ហើយចោទថា ជាអាបធ្មប់
ឈាមខ្មែរពណ៌តែមួយ ហេតុម្តេចឡើយប្តូរពណ៌គ្រប់
យកថ្ងៃធ្វើជាយប់ ខ្មែរគួរឈប់លាបពណ៌គ្នា! ។
៣០.១២.០១
ប្រភព៖ កម្រងកំណាព្យទស្សនៈ«ជំងឺខ្មែរ»របស់ លោក គង្គ ប៊ុនឈឿន (កវីម្ចាស់ស្ទឹងសង្កែ)
© រក្សាសិទ្ធិដោយ thmeythmey.com