ជាតិ
×![]()
ដោយ: ថ្មីៗ
ក្រោយពីមានក្រុមនិស្សិតនៃសកលវិទ្យាល័យន័រតុនទៅសួរសុខទុក្ខលោកតា វណ្ណ ម៉ូលីវណ្ណ នៅគេហដ្ឋានរបស់លោកនៅក្នុងខេត្តសៀមរាប រួចថតរូបលោកតាកំពុងសម្រាន្តបិទភ្នែកនោះ កាសែតក្នុងស្រុកមួយចំនួនក៏បានសរសេរថា លោកតា វណ្ណ ម៉ូលីវណ្ណ ត្រូវបានគ្រូពេទ្យសង្គ្រោះបន្ទាន់។ ព័ត៌មាននេះ ត្រូវបានទាត់ចោលទាំងស្រុង និងភ្លាមៗ ដោយលោក ជឿន ដែលជាតៃកុងបើករថយន្តផ្ទាល់របស់ស្ថាបត្យករល្បីល្បាញ វណ្ណ ម៉ូលីវណ្ណ អស់រយៈពេលជាច្រើនឆ្នាំមកហើយនោះ។ 
លោក ជឿន មិនមែនត្រឹមតែជាអ្នកបើកបររថយន្តជូនលោក វណ្ណ ម៉ូលីវណ្ណ អាយុ ៩០ឆ្នាំប៉ុណ្ណោះទេ តែលោក គឺជាអ្នកមើលថែទាំលោកតា វណ្ណ ថែមទៀតផង។ លោក ជឿន ថ្លែងប្រាប់សារព័ត៌មានថ្មីៗមុននេះបន្តិចថា លោកតា វណ្ណ មិនមានបញ្ហាសុខភាពដូចគេថានោះទេ។ លោក ជឿន ថា៖«លោកតាមានសុខភាពល្អដូចធម្មតា គាត់គ្រាន់តែអស់កម្លាំងបន្តិចដោយសារមេឃក្តៅពេក។ វេជ្ជបណ្ឌិតជនជាតិថៃទើបពិនិត្យគាត់ហើយ ហើយគាត់និយាយថា សុខភាពលោកតា វណ្ណ ធម្មតា និងល្អទាំងអស់។ គាត់អស់កម្លាំងតិចតួចទេ»។
លោក ជឿន បន្តទៀតថា លោកតា វណ្ណ ឥឡូវនេះ ស្នាក់នៅឯគេហដ្ឋាន ហើយពិសាអាហារបានដូចធម្មតា៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ថ្ងៃ
