ពីនេះ ពីនោះ
យុវជនគួរចាប់ផ្ដើមគិតរកវិធីសាស្ត្ររៀបចំសង្គមជាជាងអង្គុយដាក់កំហុសឲ្យគ្នា
×![]()
ដោយ: ថ្មីៗ
ភ្នំពេញ៖ ការរៀបចំសង្គមមួយ ត្រូវចាប់ផ្ដើមពីការរៀបចំពលរដ្ឋនៅក្នុងសង្គមនោះ។ បើនិយាយពីការរៀបចំពលរដ្ឋនៅក្នុងសង្គម នោះមិនមែនជាកិច្ចការសាមញ្ញដែលគិតមួយថ្ងៃអាចធ្វើបាននោះទេ។ បច្ចុប្បន្នមានការលើកឡើងច្រើន ពីសំណាក់យុវជន ដែលដង្ហោយហៅរដ្ឋាភិបាល និងអ្នកនយោបាយថាមិនព្រមនាំគ្នាគិតបញ្ហាជាតិជាធំ។ ការលើកឡើង ដើម្បីជំរុញបុគ្គលសំខាន់ទាំងនោះ គឺជាកិច្ចការដ៏ល្អរបស់យុវជន ក៏ប៉ុន្តែប្រសិនបើយុវជនចង់ឃើញជាតិរីកចម្រើន ចង់ជួយជាតិពិត គួរណាស់ត្រូវធ្វើឲ្យបានច្រើនជាងនិយាយ។
ជាទូទៅមិនថា នៅក្នុងសង្គមណាក៏ដូចសង្គមណានោះទេ ដើម្បីបណ្ដុះបានធនធានមនុស្សម្នាក់បាន គេត្រូវចំណាយពេលយ៉ាងតិច ២៥ឆ្នាំ ក្រោមការបណ្ដុះបណ្ដាលពីសំណាក់ប្រព័ន្ធអប់រំ តាមរយៈក្រសួងអប់រំ ទើបបុគ្គលនោះអាចក្លាយជាសសរទ្រូងសម្រាប់ប្រទេសជាតិពិតបាន។ ហើយយុវជន ដែលមានគុណភាព គឺជាយុវជនមានមូលដ្ឋានគ្រឹះនៃការអប់រំ ដែលទទួលបានការអប់រំទាំងចំណេះ ជំនាញ មេរៀនជីវិត និងពិសោធន៍សង្គមជាដើម។ ហើយមូលដ្ឋានគ្រឹះនៃចំណេះដឹង របស់យុវជននឹងកាន់តែរឹងមាំ នៅពេលដែលយុវជនទទួលបានចំណេះជំនាញពិត និងដកស្រង់បទពិសោធន៍ជាក់ស្តែងល្អៗពីការងារ ការទទួលខុសត្រូវ ជាពិសេសការអាន និងការស្រាវជ្រាវជាប្រចាំ ។
យុវជន គឺជាសមាជិកនៃសង្គម។ បើយុវជនជាសមាជិកសង្គម យុវជនត្រូវចេះប្រើប្រាស់ចំណេះដឹង ក្នុងការគិតវែកញែក ពិចារណាបញ្ហាសង្គម ប្រកបដោយវិចារណញ្ញាណ។ មិនតែប៉ុណ្ណោះ យុវជនត្រូវនាំគ្នាចូលរួមគិតគូរ ស្វែងរកដំណោះស្រាយល្អៗ ទាំងផ្នែកសង្គម សេដ្ឋកិច្ច និងនយោបាយ ជូនដល់ជាតិមាតុភូមិ។
យុវជន ត្រូវចូលរួមលើកស្ទួយជីវភាពគ្រួសារឲ្យមានភាពរឹងមាំ ធ្វើខ្លួនឲ្យក្លាយជាពលរដ្ឋរឹងមាំ ដើម្បីជាធាតុមួយនាំសង្គមជាតិឆ្ពោះទៅរកភាពរឹងមាំ ដោយស្មារតីមោទនភាពជាតិពិត។ ព្រោះថា ប្រសិនបើយុវជនចង់ឲ្យសង្គមខ្លួនឯងក្លាយជារដ្ឋទំនើបមួយ សង្គមជឿនលឿន មានប្រជាប្រជាធិបតេយ្យ យុវជនត្រូវតែក្លាយជាពលរដ្ឋសកម្ម និងមានថ្លៃថ្នូរប្រកបដោយបញ្ញា និងមានការងារថ្លៃថ្នូរសម្រាប់ខ្លួនឯងជាមុនសិន។ ដូច្នេះពលរដ្ឋសកម្ម និងថ្លៃថ្នូរ ជាសមាជិកនៃសង្គម ជាចលករ ជាមូលដ្ឋានក្នុងការរៀបចំសង្គម ។
មិនតែប៉ុណ្ណោះយុវជនមិនគួរណា បន្តរធ្វើខ្លួនឯងជាបុគ្គលដែលពូកែតែទ្រឹស្ដី ពូកែតែរិៈគន់គេ ពូកែតែដាក់កំហុសឲ្យគេ ពូកែតែវាយតម្លៃគេ ប៉ុន្តែខ្លួនឯងជួយខ្លួនឯងក៏មិនបាន។ ប្រសិនបើនៅបន្តបណ្ដោយខ្លួនឲ្យនៅតែជាយុវជនរបៀបនេះកុំសង្ឃឹមឡើយថាបានឃើញពន្លឺសង្គមដែលមានការប្រែប្រួលរបៀបរស់នៅថ្មី៕
ជាទូទៅមិនថា នៅក្នុងសង្គមណាក៏ដូចសង្គមណានោះទេ ដើម្បីបណ្ដុះបានធនធានមនុស្សម្នាក់បាន គេត្រូវចំណាយពេលយ៉ាងតិច ២៥ឆ្នាំ ក្រោមការបណ្ដុះបណ្ដាលពីសំណាក់ប្រព័ន្ធអប់រំ តាមរយៈក្រសួងអប់រំ ទើបបុគ្គលនោះអាចក្លាយជាសសរទ្រូងសម្រាប់ប្រទេសជាតិពិតបាន។ ហើយយុវជន ដែលមានគុណភាព គឺជាយុវជនមានមូលដ្ឋានគ្រឹះនៃការអប់រំ ដែលទទួលបានការអប់រំទាំងចំណេះ ជំនាញ មេរៀនជីវិត និងពិសោធន៍សង្គមជាដើម។ ហើយមូលដ្ឋានគ្រឹះនៃចំណេះដឹង របស់យុវជននឹងកាន់តែរឹងមាំ នៅពេលដែលយុវជនទទួលបានចំណេះជំនាញពិត និងដកស្រង់បទពិសោធន៍ជាក់ស្តែងល្អៗពីការងារ ការទទួលខុសត្រូវ ជាពិសេសការអាន និងការស្រាវជ្រាវជាប្រចាំ ។
យុវជន គឺជាសមាជិកនៃសង្គម។ បើយុវជនជាសមាជិកសង្គម យុវជនត្រូវចេះប្រើប្រាស់ចំណេះដឹង ក្នុងការគិតវែកញែក ពិចារណាបញ្ហាសង្គម ប្រកបដោយវិចារណញ្ញាណ។ មិនតែប៉ុណ្ណោះ យុវជនត្រូវនាំគ្នាចូលរួមគិតគូរ ស្វែងរកដំណោះស្រាយល្អៗ ទាំងផ្នែកសង្គម សេដ្ឋកិច្ច និងនយោបាយ ជូនដល់ជាតិមាតុភូមិ។
យុវជន ត្រូវចូលរួមលើកស្ទួយជីវភាពគ្រួសារឲ្យមានភាពរឹងមាំ ធ្វើខ្លួនឲ្យក្លាយជាពលរដ្ឋរឹងមាំ ដើម្បីជាធាតុមួយនាំសង្គមជាតិឆ្ពោះទៅរកភាពរឹងមាំ ដោយស្មារតីមោទនភាពជាតិពិត។ ព្រោះថា ប្រសិនបើយុវជនចង់ឲ្យសង្គមខ្លួនឯងក្លាយជារដ្ឋទំនើបមួយ សង្គមជឿនលឿន មានប្រជាប្រជាធិបតេយ្យ យុវជនត្រូវតែក្លាយជាពលរដ្ឋសកម្ម និងមានថ្លៃថ្នូរប្រកបដោយបញ្ញា និងមានការងារថ្លៃថ្នូរសម្រាប់ខ្លួនឯងជាមុនសិន។ ដូច្នេះពលរដ្ឋសកម្ម និងថ្លៃថ្នូរ ជាសមាជិកនៃសង្គម ជាចលករ ជាមូលដ្ឋានក្នុងការរៀបចំសង្គម ។
មិនតែប៉ុណ្ណោះយុវជនមិនគួរណា បន្តរធ្វើខ្លួនឯងជាបុគ្គលដែលពូកែតែទ្រឹស្ដី ពូកែតែរិៈគន់គេ ពូកែតែដាក់កំហុសឲ្យគេ ពូកែតែវាយតម្លៃគេ ប៉ុន្តែខ្លួនឯងជួយខ្លួនឯងក៏មិនបាន។ ប្រសិនបើនៅបន្តបណ្ដោយខ្លួនឲ្យនៅតែជាយុវជនរបៀបនេះកុំសង្ឃឹមឡើយថាបានឃើញពន្លឺសង្គមដែលមានការប្រែប្រួលរបៀបរស់នៅថ្មី៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
