ពីនេះ ពីនោះ
ក្រៀលជាបក្សីក្បាលត្រងោលក្រហម
× ក្រៀល គឺជាប្រភេទបក្សីដែលមានខ្លួនធំហើយខ្ពស់ សំបុរសប្រផេះ ក្បាលត្រងោលក្រហមដោយមានបន្ទូលក្បាលប្រផេះ និងជើងក្រហមវែងចំពុះវែងត្រង់ ស្លាបទី១ពណ៌ខ្មៅ។ បក្សីនេះភាគច្រើនរស់នៅតំបន់ទំនាប់លិចទឹក វាលស្រែ តាមតំបន់វាលស្មៅក្នុងព្រៃរបោះ។ ជាទម្លាប់របស់បក្សីប្រភេទនេះ គឺនៅរដូវប្រាំងវាតែងតែរកស៊ីជាហ្វូង ចំណែកនៅរដូវវស្សាវាបន្តពូជតែឯកឯង។ បក្សីនេះបង្ហាញវត្តមានពេញមួយឆ្នាំ នៅតាមតំបន់ដែលវារស់នៅ ប៉ុន្តែមានជាពិសេសនៅតំបន់ភាគខាងជើងបឹងទន្លេសាប ដោយមានជាពិសេសនៅខេត្តបន្ទាយមានជ័យ និងតាកែវ។ ផ្ទុយទៅវិញ បក្សីនេះបង្ហាញវត្តមានច្រើននៅខេត្តបាត់ដំបង ព្រះវិហា និងខេត្តមណ្ឌលគិរី នៅរដូវវស្សាដែលជារដូវសម្រាប់បក្សីនេះបន្តពូជ។ ការបន្ដពូជរបស់បក្សនេះគឺចាប់ផ្ដើមពីខែ មីនា ដល់ខែតុលា ដោយមួយឆ្នាំមានពងតែ ១ទៅ៣ ពងប៉ុណ្ណោះ៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com