ពីនេះ ពីនោះ
តើលើលោកនេះ ពិតជាមានព្រលឹងដែរឬទេ?
× ភ្នំពេញ៖ លោក អារីស្តូត(Aristotle) ទស្សនវិទូជនជាតិក្រិចសម័យបុរាណ បានអះអាងថា នៅពេលសារពាង្គកាយមនុស្សស្លាប់ ព្រលឹងមនុស្សក៏ស្លាប់តាមសារពាង្គកាយដែរ ពីព្រោះ ព្រលឹង និងសារពាង្គកាយ គឺមិនអាចផ្តាច់ចេញគ្នាបានទេ។
កើតនៅឆ្នាំ៣៨៤ ដល់ឆ្នាំ៣២២ មុនគ្រឹស្តសករាជ លោក អារីស្តូត បានបែងចែកព្រលឹងជាបីក្រុម៖
ក្រុមទី១៖ ព្រលឹងរុក្ខជាតិ គឺជាព្រលឹងដែលមានសកម្មភាពចិញ្ចឹម និងបង្កើត ហើយវាជាព្រលឹងថ្នាក់ទាប។
ក្រុមទី២៖ ព្រលឹងសត្វ គឺជាព្រលឹងដែលមានឥន្ទ្រីយារម្មណ៍។ វាគឺជាព្រលឹងថ្នាក់មធ្យម ដោយមានឧត្តមភាព៣យ៉ាង គឺ លំនឹកគិត ចំណង់ និងចលនា។
និងក្រុមទី៣៖ ព្រលឹងមនុស្ស គឺជាព្រលឹងដែលមានវិចារណញ្ញាណ។ វាជាព្រលឹងថ្នាក់ខ្ពស់បំផុត ដែលចេះត្រិះរិះពិចារណា៕
ប្រភព៖ «ប្រវត្តិទស្សនវិជ្ជាបស្ចឹមប្រទេស» រៀបរៀងដោយ បណ្ឌិត ឆយ យីហ៊ាង
© រក្សាសិទ្ធិដោយ thmeythmey.com