ជាតិ
សម្តេច ហ៊ុន សែន៖ មន្ត្រីរដ្ឋាភិបាល និងសហគមន៍ព្រៃឈើគួរមើលគ្នាក្នុងភាពជាដៃគូរ
× ពីពិធីបិទសន្និបាតបូកសរុបការងាររបស់ក្រសួងកសិកម្ម រុក្ខាប្រមាញ់ និងនេសាទ សម្ដេចនាយករដ្ឋមន្ត្រី ហ៊ុន សែន បានអំពាវនាវឲ្យ មន្ត្រីថ្នាក់ក្រោមអនុវត្តការងារក្នុងការការពារព្រៃឈើឲ្យបានច្បាស់លាស់ ដោយត្រូវមានភាពសហការជាមួយអង្គការ និងប្រជាពលរដ្ឋដែលចូលរួមការពារព្រៃឈើឲ្យបានត្រឹមត្រូវ។ ប្រមុខរដ្ឋាភិបាល បានបញ្ជាឲ្យមន្ត្រីអាជ្ញាធរទាំងនោះត្រូវមើលអង្គការនិងប្រជាពលរដ្ឋ ក្នុងភាពជាដៃគូរ ដោយមិនត្រូវមើលគ្នាទៅវិញទៅមកក្នុងភាពជាសត្រូវនោះឡើយ។
សម្ដេច ហ៊ុន សែន បានបញ្ជាក់ដូច្នេះថា៖«ប្រជាពលរដ្ឋស្អប់អ្នកកាប់ឈើណាស់ ។ ដូចនេះពេលគាត់រាយការណ៍មក អាជ្ញាធរត្រូវស្មោះត្រង់ជាមួយគាត់ ហើយត្រូវចុះត្រួតពិនិត្យចាត់វិធានការភ្លាម[…] ត្រូវមើលគ្នាក្នុងភាពជាដៃគូរ»។
ជាមួយគ្នាសម្ដេច ហ៊ុន សែន ក៏បានប្រកាសបើកដៃឲ្យអ្នកសារព័ត៌មាន គ្រប់បណ្ដាវិទ្យុ ទូរទស្សន៍ទាំងអស់ ផ្ដិតយកព័ត៌មានកាប់ព្រៃឈើយកមកចុះផ្សាយដោយកុំឲ្យភ័យខ្លាចការគំរាមផងដែរ បើសិនជាករណីកាប់ឈើនៅតែបន្តកើតឡើង៕
សូមស្ដាប់សំឡេង សម្តេច ហ៊ុន សែន៖
Tag:
សម្តេច ហ៊ុន សែន
ព្រៃឈើ
© រក្សាសិទ្ធិដោយ thmeythmey.com