ជាតិ
×![]()
ដោយ: ថ្មីៗ
ភ្នំពេញ៖ បើនិយាយពីសេរីភាពសារព័ត៌មាន កម្ពុជាទទួលបានពិន្ទុល្អ។ តែបើនិយាយពីកម្រិតនៃអំពើពុករលួយ និងពីតម្លៃនៃជីវិតពលរដ្ឋខ្មែរវិញ កម្ពុជាហាក់បីដូចជាស្ថិតនៅដាច់ឆ្ងាយពីប្រទេសដទៃទៀត។ តើតម្លៃកម្ពុជានៅលើឆាកអន្តរជាតិយ៉ាងដូចម្តេចដែរ? 
បើយោងតាមរបាយការណ៍អង្គការអ្នកសារព័ត៌មានគ្មានព្រំដែន (Reporter Without Border) ឆ្នាំ ២០១៦ សេរីភាពសារព័ត៌មានកម្ពុជាប្រសើរឡើងជាមុនពោលគឺធ្លាក់ចុះលេខរៀងចំនួន ១១លេខ ពោលគឺពីលេខ ១៣៩ នៅឆ្នាំ២០១៥ មកត្រឹម ១២៨នៅក្នុងឆ្នាំ ២០១៦នេះ។ បើប្រៀបធៀបជាមួយប្រទេស ៩ផ្សេងទៀតនៅអាស៊ាន សេរីភាពសារព័ត៌មានកម្ពុជាមានលក្ខណៈប្រសើរជាងគេ។ នេះក៏ដោយសារ ថៃ ស្ថិតក្រោមរបបសឹក, ហ្វីលីពីនជាប្រទេស គ្រោះថ្នាក់បំផុតសម្រាប់អ្នកសារព័ត៌មាន, ឥណ្ឌូនេស៊ីនៅមិនទាន់ផ្តល់សិទ្ធិឲ្យអ្នកសារព័ត៌មានបរទេសពេញលេញ, សិង្ហបុរីគ្រប់គ្រងស្ទើររាល់ប្រព័ន្ធផ្សព្វផ្សាយ, វៀតណាម និងឡាវស្ថិតក្រោមរបបសង្គមនិយម, ប្រ៊ុយណេមានរបបរាជានិយមផ្តាច់ការ, មីយ៉ាន់ម៉ាទើបស្គាល់ប្រជាធិបតេយ្យ, ហើយម៉ាឡេស៊ីមាននាយករដ្ឋមន្ត្រីដែលស្អប់សារព័ត៌មានឯករាជ្យ។
ដោយឡែកចំពោះកម្រិតអំពើពុករលួយរបស់កម្ពុជាវិញ បើយោងតាមរបាយការណ៍ «សន្ទស្សន៍នៃការយល់ឃើញពីអំពើពុករលួយ» (The Corruption Perceptions Index) នៃអង្គការតម្លាភាពអន្តរជាតិស្តីពីចំណាត់ថ្នាក់អំពើពុករលួយឆ្នាំ២០១៥ កម្ពុជាស្ថិតក្នុងចំណាត់ថ្នាក់លេខរៀងទី១៥០ក្នុងចំណោមប្រទេសសរុប១៦៨ ។ បើប្រៀបធៀបចំណាត់ថ្នាក់នេះទៅនឹងបណ្តាប្រទេសរបស់អាស៊ាននោះ កម្ពុជាស្ថិតនៅចំណាត់ថា្នក់ទាបជាងគេ ពោលគឺកម្រិតនៃអំពើពុករលួយនៅក្នុងប្រទេសកម្ពុជា គឺច្រើនជាងគេ។
ចំណែកការរស់នៅប្រជាពលរដ្ឋកម្ពុជាវិញ របាយការណ៍សន្ទស្សន៍សុខដុមនីយកម្មឆ្នាំ២០១៥ ឬហៅជាភាសាអង់គ្លេសថា (Prosperity Index) ត្រូវបានសិក្សាដោយវិទ្យាស្ថាន (Legatum Institute) មានមូលដ្ឋាននៅទីក្រុង (London) ចក្រភពអង់គ្លេស បានដាក់ចំណាត់ថ្នាក់ប្រទេសកម្ពុជា លេខ ១១២ ក្នុងចំណោមប្រទេសទាំងអស់ ១៤២ ។ ចំណាត់ថ្នាក់នេះបង្ហាញថា ភាពសុខដុមរមនារបស់ពលរដ្ឋខ្មែរក្នុងជីវភាពរស់នៅប្រចាំថ្ងៃនៅមានកម្រិតទាបនៅឡើយ បើធៀបទៅនឹងប្រទេសដទៃទៀតនៅក្នុងសមាគមអាស៊ាន៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
